“چین نوں جدید سلاٹر ہاؤس (پوٹھو خانے) تے گوشت پروسیسنگ پلانٹس لاءن دی دعوت”
گوشت دی برآمدات ودھان لئی سرمایہ کاری دا جی آیاں نوں آکھاں گے: وزیرِ غذائی تحفظ
چینی وفد نال اعلیٰ پدھر دا اجلاس، لائیو سٹاک دے شعبے وچ تعاون ودھان اُتے اتفاق
اسلام آباد (نامہ نگار)
وفاقی وزیرِ قومی غذائی تحفظ و تحقیق رانا تنویر حسین نے آکھیا اے کہ گوشت دی برآمدات (ایکسپورٹ) ودھان لئی چینی سرمایہ کاری دا جی آیاں نوں آکھیا جائے گا۔ چینی سرمایہ کار تے کمپنیاں پاکستان وچ جدید سلاٹر ہاؤسز (پوٹھو خانے) تے گوشت پروسیسنگ پلانٹس لاءن۔ اوہناں نے ایہناں خیا لیاں دا اظہار جمعرات نوں چینی وفد نال اک اعلیٰ پدھر دے اجلاس وچ کیتا۔ اجلاس وچ لائیو سٹاک دے شعبے وچ پاک چین دوطرفہ تعاون نوں ہور ودھان اُتے اتفاق کیتا گیا۔
وفاقی وزیر نے چینی سرمایہ کاراں تے کمپنیاں نوں دعوت دتی کہ اوہ پاکستان وچ جدید ترین ٹیکنالوجی نال لیس سلاٹر ہاؤسز تے جدید گوشت پروسیسنگ پلانٹس قائم کرن تاں جے چنگی کوالٹی دا حلال گوشت تیار کر کے چین سمیت دنیا بھر دیاں منڈیاں نوں برآمد کیتا جا سکے۔ اوہناں آکھیا کہ حکومتِ پاکستان زراعت تے لائیو سٹاک دے شعبیاں وچ باہرلی سرمایہ کاری نوں فروغ دین لئی کاروباری ماحول تے ہر ممکن سہولت دین لئی پرعزم اے۔
چینی وفد نے گوشت دی پروسیسنگ، ٹیکنالوجی دی منتقلی، کوالٹی دی یقین دہانی تے برآمدات نال جڑے انفراسٹرکچر نوں کھڑا کرن لئی تعاون وچ ڈونگھی دلچسپی دا اظہار کیتا۔ دونویں دھریاں نے ایس گل اُتے اتفاق کیتا کہ گوشت دی برآمدات وچ اضافے لئی تکنیکی تعاون، کاروباری تعلقات نوں ودھان تے ریگولیٹری و سینیٹری (صحت و صفائی) دیاں شرطاں نوں پورا کرن لئی باہمی سانجھ نوں ہور پکا کیتا جائے گا۔
