سپریم کورٹ نے کوٹ رادھا کشن بھٹہ کیس وچ پھانسی دی سزا پان والے 3 ملزمان نوں بری کر دتا۔
اسلام آباد: سپریم کورٹ نے کوٹ رادھا کشن بھٹہ کیس وچ پھانسی (سزائے موت) پان والے 3 ملزمان نوں بری کر دتا اے۔
سپریم کورٹ نے کوٹ رادھا کشن وچ مسیحی جوڑے شہزاد مسیح تے اوہناں دی حاملا گھر والی (اہلیہ) شمع بی بی نوں اٹاں دے بھٹھے وچ جیوندا ساڑن (جلانے) دے مقدمے وچ پھانسی دی سزا پان والے تینوں ملزمان، عرفان، مہدی تے ریاض نوں بری کرن دا حکم دے دتا۔
عدالتِ عظمیٰ نے 102 ملزمان دی بریت دے خلاف پنجاب حکومت دی درخواست وی رد (مسترد) کر دتی۔
ایہ افسوسناک واقعہ 4 نومبر 2014 نوں پیش آیا سی، جڈوں توہینِ مذہب دے الزام اُتے غصے وچ آئے ہجوم نے شہزاد مسیح تے اوہناں دی حاملا گھر والی شمع بی بی اُتے تشدد کیتا تے مگروں اوہناں نوں اٹاں دے بھٹھے وچ جیوندا ساڑ دتا سی۔
واقعے توں بعد پولیس نے سینکڑے بندیاں دے خلاف مقدمہ درج کیتا سی۔ انسدادِ دہشت گردی دی عدالت نے مقدمے وچ پنج ملزمان نوں پھانسی دی سزا جدکہ دوجے ملزمان نوں مختلف سزاواں سنائیاں سن۔
مگروں لاہور ہائی کورٹ نے 5 وچوں 2 ملزمان نوں بری کر دتا سی، جدکہ 3 ملزمان دی پھانسی دی سزا برقرار رکھی سی۔
پر ہن جسٹس ملک شہزاد احمد دی سربراہی وچ قائم 3 رکنی بینچ نے اپیلاں دی سماعت توں بعد تینوں ملزمان نوں وی بری کرن دا حکم جاری کر دتا اے۔
