صدر ٹرمپ دا چین اُتے 2020 دے امریکی صدارتی چوناواں دے ڈیٹا دی سب توں وڈی چوری دا الزام۔
واشنگٹن: امریکی صدر ڈونلڈ ٹرمپ نے چین اُتے 2020 دے امریکی چوناواں (انتخابات) دے ڈیٹا دی سب توں وڈی چوری دا الزام لاؤندیاں آکھیا اے کہ چین نے امریکی ووٹرز دیاں 22 کروڑ فائلاں حاصل کیتیاں، وہ امریکہ دے چوناواں وچ مسلسل مداخلت تے الیکشن ڈیٹا ہیک کرن دی کوشش کر رہا اے۔
صدر ٹرمپ نے امریکی قوم نال خطاب وچ چین اُتے الزاماں دی بارش کردیاں آکھیا کہ چین چاہندا سی کہ ٹرمپ صدارتی الیکشن ہار جان، اوہنے امریکی عوام وچ اوہناں دے بارے منفی تاثر پیدا کرن دی کوشش کیتی۔
امریکی صدر نے دعویٰ کیتا کہ چین نے امریکی ووٹرز دیاں 22 کروڑ فائلاں حاصل کیتیاں، اوہ امریکہ دے چوناواں وچ مسلسل مداخلت تے الیکشن ڈیٹا ہیک کرن دی کوشش کر رہیا اے۔
ٹرمپ نے آکھیا کہ ایس معلومات وچ ناں، فون نمبر، سیاسی جماعت نال وابستگی تے دوجا حساس ڈیٹا شامل اے، جیہڑا ووٹر رجسٹریشن تے دوجیاں غیر قانونی سرگرمیاں لئی استعمال کیتا جا سکدا اے۔
امریکی صدر دا کہنا سی کہ اج جاری کیتیاں گئیاں دستاویزاں، جیہڑیاں سرکاری ویب سائٹ اُتے موجود نے، چین ولوں 2020 دے صدارتی چوناواں نوں کمزور کرن دیاں کوششان نال متعلق معلومات نوں ’جان بجھ کے دبان تے گھٹ اہم وکھان‘ دی ’ڈیپ اسٹیٹ‘ دی کوششان نوں ظاہر کردیاں نے۔
