فرانس وچ لاعلاج بیماریاں والے بالغ بندیاں نوں موت دا آپشن دین دا بل منظور۔
پیرس: فرانس نے لاعلاج بیماریاں والے بالغ بندیاں (افراد) نوں موت دا آپشن حاصل کرن دا بل پاس کر لیا۔
فرانس دی پارلیمنٹ نے لاعلاج بیماریاں والے بالغ بندیاں لئی موت دا آپشن حاصل کرن دا بل پاس کر لیا اے جیہدے تحت سخت شرطاں پوریاں ہون دی صورت وچ درخواست دین والے بندے نوں جان لیوا دوائی دتی جا سکے گی۔
رپورٹ دے مطابق بل وچ آکھیا گیا اے کہ جے مریض خود دوائی استعمال کرن دے قابل ہوئے گا تے اوہ ایہنوں آپ ورتے گا، دوجی صورت وچ ڈاکٹر یا نرس اوہنوں اے دوائی دین گے۔
فرانس دے قانون دے مطابق ایس سہولت توں صرف اوہ بالغ بندے فائدہ چُک سکدے نیں جیہڑے فرانس دے شہری یا اوتھے دے قانونی رہائشی ہون تے جان لیوا تے لاعلاج بیماری دے ایہو جہے مرحلے وچ ہون جیہڑا بوہت سنگین یا آخری مرحلے تیکر پہنچ چکیا ہوئے۔
فرانس دی پارلیمنٹ وچ بل دی مخالفت وچ 241 ووٹ پئے جبکہ 291 ووٹ بل دی حمایت وچ پائے گئے تے بل منظور کر لیا گیا، پر قانون تے باقاعدہ عمل لئی ایہدی فرانس دی آئینی کونسل توں منظوری ضروری اے۔
جے ملک دی آئینی کونسل ایس قانون سازی دی منظوری دے دیندی اے، تے فرانس نیدرلینڈز، بیلجیم، سوئٹزرلینڈ تے کینیڈا دی صف وچ شامل ہو جائے گا جنہاں نے assisted dying نوں قانونی حیثیت دتی اے۔
