امریکی محکمہ خارجہ نے سعودی عرب نوں جدید اسلحہ ویچن دی منظوری دے دتی۔

واشنگٹن: امریکی محکمہ خارجہ نے سعودی عرب نوں تقریباً 2 ارب ڈالر دا جدید اسلحہ ویچن (فروخت کرن) دی منظوری دے دتی۔

خبر ایجنسی دے مطابق امریکی محکمہ خارجہ نے بدھ دے دیہاڑے جاری پریس ریلیز وچ دسیا کہ سعودی عرب نوں 1.96 ارب ڈالر دا اسلحہ ویچیا جائے گا جیہدی منظوری دے دتی گئی اے۔

محکمہ خارجہ دا کہنا اے کہ اسلحہ دی اے فروخت امریکی خارجہ پالیسی تے قومی سلامتی دے مقصداں لئی مددگار ثابت ہوئے گی جیہدے تحت امریکہ اپنے اتحادی سعودی عرب دیاں دفاعی صلاحیتاں نوں بہتر کرن وچ مدد کرے گا۔

خبر ایجنسی دے مطابق جیہڑا اسلحہ سعودی عرب نوں ویچیا جائے گا اوہدے وچ سدھے نشانے (درست ہدف) نوں تباہ کرن والا جدید اسلحہ سسٹم تے اوہدے نال جڑیا سازوسامان شامل اے۔