پیٹرولیم مصنوعات دیاں قیمتاں وچ وڈے وادھے دا امکان۔

کاروبار پیٹرولیم مصنوعات دیاں قیمتاں وچ وڈے وادھے دا امکان فائل فوٹو اسلام آباد: آؤن والے ہفتے لئی ڈیزل تے پیٹرول دی قیمت وچ وڈے وادھے دا امکان اے۔

تفصیلات دے مطابق ڈیزل 40 روپے تے پیٹرول 10 روپے فی لیٹر مہنگا ہون دا امکان اے، پر قیمتاں وچ ہون والے ایس وادھے نوں قابو وچ رکھن لئی حکومت ولوں پیٹرولیم لیوی وچ کمی دا امکان اے۔

ایران تے امریکہ دے وچکار نویں کھچاؤ (کشیدگی) دے نتیجے وچ عالمی منڈی وچ تیل دیاں قیمتاں وچ وادھے پاروں آؤن والے 15 روزہ جائزے وچ ہائی اسپیڈ ڈیزل دی قیمت وچ 18 جولائی توں 40 روپے فی لیٹر تیکر دا وڈا وادھا متوقع اے، جدکہ پیٹرول دی قیمت وچ وی تقریباً 10 روپے فی لیٹر تیکر وادھے دا امکان اے۔

دوجی پاسے حکومت نے پیٹرولیم مصنوعات دی ذخیرہ اندوزی (لکوا مارن) والیاں دے خلاف سخت کاروائی دی ہدایت کیتی اے۔

ایہدے توں وکھ، نیشنل کمیٹی آن مانیٹرنگ اینڈ کوآرڈینیشن نے کجھ بدعنوان مارکیٹ بندیاں ولوں پیٹرولیم مصنوعات دی ذخیرہ اندوزی دا سخت نوٹس لیندے ہوئے اوگرا نوں متعلقہ تے ضروری کاروائیاں کرن دی ہدایت جاری کر دتی اے۔