پاکستان نے ملکی تریخ وچ پہلی واری 4 ہزار 722 ارب روپے توں ودھ دا قرضہ متھّے ہوئے ویلےوں پہلاں موڑ دتا: خرم شہزاد۔
پاکستان نے ملکی تریخ وچ پہلی واری 4 ہزار 722 ارب روپے توں ودھ دا قرضہ متھّے ہوئے ویلے (مقررہ مدت) توں پہلاں موڑ (واپس کر) کے اہم سنگِ میل عبور کر لیا۔
مشیر وزیرِ خزانہ خرم شہزاد دے مطابق پاکستان ہن تک تقریباً 17 ارب ڈالر، یعنی 4 ہزار 722 ارب روپے دا قرضہ ویلے توں پہلاں ادا کر چکیا اے۔
مشیر وزیرِ خزانہ دے مطابق مالی سال 26-2025 دے دوران ہن تک 2 ہزار 900 ارب روپے دی ویلے توں پہلاں ادائیگی کیتی جا چکی اے جیہڑی پچھلے مالی سال دے مقابلے وچ 62 فیصد زیادہ اے۔
خرم شہزاد نے دسیا کہ ویلے توں پہلاں واپس کیتے گئے قرضے وچ 51 فیصد اسٹیٹ بینک جبکہ 49 فیصد دوجے مالیاتی اداریاں دا قرضہ شامل اے۔
اوہناں دے مطابق پاکستان دا قرضہ برائے جی ڈی پی تناسب 75 فیصد توں گھٹ ہو کے تقریباً 68.5 فیصد رہ گیا اے۔
مشیر وزیرِ خزانہ دا کہنا سی کہ بہتر قرضہ نظم و نسق تے اثر دار مالیاتی حکمتِ عملی پاروں سرمایہ کاراں دا اعتماد تے ملکی مالیاتی مضبوطی ہور پکی ہوئی اے، جبکہ پاکستان گھٹ لاگت تے پائیدار مالیاتی نظام ول اگے ودھ رہا اے۔
