ایرانی پاسدارانِ انقلاب دا امریکی ڈرون تباہ کرن دا دعویٰ۔

ایران دی پاسدارانِ انقلاب دی بحریہ نے دعویٰ کیتا اے کہ اوہنے ایرانی بندرگاہی شہر بوشہر دے اتے اک امریکی ڈرون تباہ کر دتا اے۔

پاسدارانِ انقلاب دی بحریہ دے مطابق ایم کیو-9 ڈرون نوں ایران دے مربوط فضائی دفاعی نیٹ ورک دے ماتحت کم کرن والے جدید فضائی دفاعی نظام راہیں روکیا گیا تے تباہ کر دتا گیا۔

ایس توں علاوہ ایرانی پاسدارانِ انقلاب نے آکھیا کہ خلاف ورزی کرن تے آبنائے ہرمز توں لنگھن دی کوشش کرن والے 4 ٹینکر جہازاں نوں میزائل تے ڈرون دے سانجھے آپریشن وچ روک دتا گیا۔

پاسدارانِ انقلاب دے مطابق آبنائے ہرمز دے دکھن (جنوب) وچ 2 تیل بردار جہاز دھماکے نال پھٹ گئے، تیل بردار جہاز بارودی رستے توں لنگھدیاں ہویاں پھٹے۔