امریکی خلاف ورزیاں توں بعد مفاہمتی یادداشت مر چکی اے، کمانڈر پاسدارانِ انقلاب۔
پاسدارانِ انقلاب دے کمانڈر تے آیت اللہ مجتبیٰ خامنہ ای دے مشیر میجر جنرل محسن رضائی نے آکھیا اے کہ امریکی خلاف ورزیاں توں بعد مفاہمتی یادداشت مر چکی اے۔
محسن رضائی نے سرکاری ٹی وی نال گل بات وچ آکھیا کہ جنوبی لبنان توں اسرائیلی انخلا نہ ہونا، آبنائے ہرمز وچ امریکہ ولوں غیرقانونی متبادل رستہ بنانا، بمباری کر کے ایرانی خود مختاری دا احترام نہ کیتا جانا تے ایرانی اثاثیاں نوں جاری کرن وچ ناکامی مفاہمتی یادداشت دی کھلی خلاف ورزیاں نیں ۔
اوہناں نے آکھیا کہ اسلام آباد مذاکرات توں بعد امریکہ نے جنگ تے مذاکرات اکو ویلے جاری رکھن دی پالیسی اپنائی سی۔ ایران ولوں جنگ بندی دو ہفتیاں تیکر منے جان دے عرصے وچ امریکہ نوں موقع ملیا کہ اوہ مذاکرات دے دوران ایران دی بحری ناکہ بندی پوری کر لوے۔
میجر جنرل رضائی نے خبردار کیتا اے کہ مذاکرات تے جنگ نال نال چلن دی پالیسی مک گئی اے، جے امریکہ نے ہور دو توں تن دن جنگ اپنائی تاں ایران وی پورے طور تے جنگ دا طبل وجا دیوے گا تے دشمن دی تباہی تے اتر آئے گا۔
