سینیٹ کمیٹی: پختونخوا وچ باہرلے ملکاں دے منصوبے ویلے سر پورے کرن دی سفارش
جتھے سڑکاں دی لوڑ سی اوتھے نہیں بنیاں، جتھے نہیں سی اوتھے بن گئیاں: روبینہ خالد
2022 وچ قرضہ 40 ہزار ارب سی جیہڑا ہن 90 ہزار ارب تیکر پہنچ چکا اے، چیئرمین کمیٹی سیف اللہ ابڑو
اسلام آباد (اپنے رپورٹر سے، آن لائن)
سینیٹ دی اقتصادی امور کمیٹی نے خیبرپختونخوا وچ باہرلے ملکاں دی امداد (غیر ملکی فنڈنگ) نال چلن والے منصوبیاں وچ اِک اکھ (شفافیت) رکھن تے اوہناں نوں مِتھے ہوئے ویلے وچ پورا کرن دی سفارش کیتی اے۔ چیئرمین کمیٹی سیف اللہ ابڑو دی صدارت ہیٹھ ہون والے اکٹھ (اجلاس) وچ صوبائی عہدیداراں نے دسیا کہ سوات، پشاور، مردان، نوشہرہ سنے وکھو وکھ ضلعیاں وچ کئی سڑکاں دے منصوبے پورے کر لئے گئے نیں ۔
سینیٹر ہدایت اللہ نے پچھیا کہ خیبرپختونخوا وچ سڑکاں بناؤن دا کیہ معیار (کرائٹیریا) سی؟ اوہناں نے نشان دہی کیتی کہ پشاور وچ ہڑھ (سیلاب) آیا ای نہیں سی پر اوتھے 9 سڑکاں بنا دتیاں گئیاں، جد کہ دیر وچ صرف 12 کلومیٹر سڑکاں بنیاں۔ سینیٹر روبینہ خالد نے آکھیا کہ جتھے سڑکاں دی لوڑ سی اوتھے نہیں بنیاں تے جتھے لوڑ نہیں سی اوتھے بن گئیاں نیں۔
چیئرمین کمیٹی نے چنتا (خدشہ) ظاہر کیتا کہ ملکی قرضہ 2022 وچ 40 ہزار ارب روپے سی جیہڑا ہن وددیاں ہویاں 90 ہزار ارب تیکر اپڑ گیا اے، جیہڑا ملک لئی اک وڈی مصیبت بن سکدا اے۔
