پاور سیکٹر وچ اثر دار فیصلہ سازی لئی جوڑواں (مربوط) ڈیٹا لازمی اے، اویس لغاری
کونسل دے ویلے سِرے فیسلیاں لئی ایگزیکٹو ورکنگ کمیٹی بنائی جائے، خطاب
ڈیٹا گورننس کونسل پاور سیکٹر وچ شفافیت تے جوابدہی لئی اہم کردار ادا کرے گی
اسلام آباد (نامہ نگار)
وفاقی وزیر توانائی سردار اویس لغاری نے آکھیا اے کہ پاور سیکٹر وچ اثر دار فیصلہ سازی لئی بھروسے یوگ (قابلِ اعتماد) تے جوڑواں (مربوط) ڈیٹا لازمی اے۔ ڈیٹا گورننس کونسل نویں، شفاف تے جوابدہ حکمرانی دی نینھ (بنیاد) رکھن توں وکھ پاور سیکٹر وچ ڈیٹا دے اکو جہے معیاراں تے بہتر انتظام نوں یقینی بناؤن وچ اہم کردار ادا کرے گی۔ ایہناں خیالاں دا اظہار اوہناں نے پبلک سیکٹر دی پہلی ڈیٹا گورننس کونسل دے اجلاس نال خطاب کردیاں کیتا۔
وفاقی وزیر نے کونسل دے ایگزیکٹو ڈائریکٹر دی تعیناتی دا کم چھیتی مکاؤن دی ہدایت دیندیاں آکھیا کہ کونسل نوں پوری سکت نال متحرک کیتا جائے۔ وزیر توانائی نے ہدایت کیتی کہ ڈیٹا گورننس کونسل دے اجلاس باقاعدگی نال کروائے جان۔ اوہناں نے کونسل دے بہتر تے ویلے سِرے فیسلیاں لئی ایگزیکٹو ورکنگ کمیٹی بناؤن دی وی ہدایت کیتی۔
