تربیلا ڈیم دے سپل وے کھول دتے گئے، انتظامیہ الرٹ
ہری پور تربیلا ڈیم دے سپل وے سویرے 11:00 بجے کھول دتے گئے نیں۔
سپل وے کھُلن توں بعد تربیلا ڈیم توں پانی دا بہاؤ 220,000 کیوسک توں 230,000 کیوسک اے۔ ہری پور سپل وے کھولے جان توں بعد دریائے سندھ وچ پانی دے بہاؤ وچ وادھے نوں ویکھدیاں ہویاں ضلعی انتظامیہ ہری پور متحرک اے۔
اسسٹنٹ کمشنر غازی جنید آفتاب نے آکھیا کہ ہری پور دے شہری دریا دے کنڈھے جان، دریا وچ نہان، کشتی رانی تے ماہی گیری (مچھیاں پھڑن) توں پاسہ وٹن، جدکہ ماپے (والدین) بچیاں نوں دریا دے نیڑے نہ جان دین۔
