پشاور وچ امریکی قونصلیٹ جنرل بند کر دتا گیا

اسلام آباد (مانیٹرنگ ڈیسک): امریکی قونصلیٹ جنرل پشاور بند کر دتا گیا اے، تے خیبر پختونخوا دے نال سفارتی رابطیاں دی ذمہ داری اسلام آباد وچ امریکی سفارت خانے دے خیبر پختونخوا یونٹ نوں منتقل کر دتی گئی اے۔

امریکن قونصلیٹ پشاور بند کرن دا اعلان 5 مئی نوں کیتا گیا سی تے ہن لگ بھگ ڈیڑھ مہینے توں بعد اس فیصلے اُتے عمل درآمد کر دتا گیا اے۔ اس حوالے نال امریکن قونصلیٹ پشاور دے سوشل میڈیا اکاؤنٹس اُتے پوسٹ کیتی گئی اے کہ پشاور قونصلیٹ بند کر دتا گیا اے، نال ہی ایہ وی دسیا گیا اے کہ پشاور قونصلیٹ دے سوشل میڈیا اکاؤنٹ وی غیر فعال (بند) کیتے جا رہے نیں ۔