پاور سیکٹر وچ فیصلہ سازی لئی ڈیٹا لازمی اے

اسلام آباد (نامہ نگار) وفاقی وزیرِ توانائی سردار اویس لغاری نے آکھیا اے کہ پاور سیکٹر وچ اثر دار فیصلہ سازی لئی قابلِ بھروسہ (قابلِ اعتماد) تے جڑے ہوئے (مربوط) ڈیٹا دا ہونا لازمی اے۔

ڈیٹا گورننس کونسل نویں، شفاف تے جوابدہ حکمرانی دی بنیاد پاؤن توں علاوہ پاور سیکٹر وچ ڈیٹا دے اکو جہے معیاراں تے بہتر انتظام نوں یقینی بناؤن وچ اہم کردار ادا کرے گی۔ انہاں گلاں دا اظہار اوہناں نے پبلک سیکٹر دی پہلی ڈیٹا گورننس کونسل دے اجلاس نال خطاب کردے ہوئے کیتا۔

وفاقی وزیر نے کونسل دے ایگزیکٹو ڈائریکٹر دی تعیناتی دا کم چھیتی مکاؤن دی ہدایت دیندے ہوئے آکھیا کہ کونسل نوں پوری صلاحیت دے نال فعال بنایا جائے۔ وزیرِ توانائی نے ہدایت کیتی کہ ڈیٹا گورننس کونسل دے اجلاس باقاعدگی نال کیتے جان۔ اوہناں نے کونسل دے بہتر تے ویلے سِر فیسلیاں لئی ایگزیکٹو ورکنگ کمیٹی بناؤن دی وی ہدایت کیتی۔