آن لائن رجسٹریشن، عازمینِ حج دی گنتی 3 لاکھ 40 ہزار توں ودھ گئی

اسلام آباد (سید قیصر شاہ) سال 2027 توں 2030 دے عازمینِ حج لئی گھر بیٹھے آن لائن رجسٹریشن کرواؤن والے عازمین دی گنتی 3 لاکھ 40 ہزار توں ٹپ گئی اے۔

2 لاکھ 46 ہزار عازمین نے سرکاری جدکہ 94 ہزار نے پرائیویٹ حج سکیم نوں چُنیا اے۔ پنجاب توں رجسٹرڈ عازمین دی گنتی 1 لاکھ 56 ہزار، سندھ توں اک لاکھ، خیبر پختونخوا توں 51 ہزار، اسلام آباد توں 15 ہزار، بلوچستان توں 12 ہزار، آزاد کشمیر توں 2600 تے گلگت بلتستان توں 12 سو عازمین نے رجسٹریشن کروا لئی اے۔ حج خرچے دی آن لائن وصولی دا اعلان چھیتی متوقع اے۔ عازمین وزارت نال رابطے یا رہنمائی لئی “پاک حج” ایپ یا حج ہیلپ لائنز دی ورتوں کر رہے نیں۔ وزارت ولوں ہدایت کیتی گئی اے کہ سارے درخواست گزار اپنے ٹھیک کوائف دا اندراج پکا کرن تے گروپ صرف فیملی دے جیآں (افراد) نال ای بنان۔