ڈیفنس: عطا تارڑ دی گڈی دے نیڑے مبینہ ہوائی فائرنگ، ملزم گرفتار

وزیرِ اطلاعات اپنے گھر والیاں (اہلخانہ) دے نال جا رہے سن، اسامہ نے اوورٹیک کردیاں فائرنگ کر دتی، ملزم نوں سیف سٹی اتھارٹی دی جدید ٹیکنالوجی تے کیمریاں دی مدد نال پھڑیا: پولیس

لاہور (کرائم رپورٹر، مانیٹرنگ ڈیسک، آن لائن) ڈیفنس اے دے علاقے وچ وفاقی وزیرِ اطلاعات عطا تارڑ دی کار دے نیڑے مبینہ ہوائی فائرنگ، پولیس نے ملزم نوں گرفتار کر کے وکھو وکھ پہلوآں توں تفتِیش شروع کر دتی اے۔

تفصیلات دے مطابق ڈیفنس دے علاقے وچ وفاقی وزیرِ اطلاعات و نشریات عطا تارڑ اپنے ٹبر (فیملی) دے نال لنگھی رات کار اُتے جا رہے سن کہ اک دوجی کار سوار نوجوان نے وفاقی وزیر دی گاڑی نوں اوورٹیک کردیاں فائرنگ کر دتی جیہدے توں علاقے وچ ڈر تے خوف پھیل گیا۔ وفاقی وزیر عطا تارڑ نے آکھیا اے کہ گاڑی نے کھبے (بائیں) پاسے توں کراس کیتا تے پنج فائر کیتے، کار دا پِچھا کر کے ناکے اُتے آپ (خود) اطلاع دتی، نوجوان نے ٹارگٹ کر کے فائرنگ نہیں کیتی۔

پولیس دے مطابق ڈیفنس اے وچ ویک اینڈ نائٹ دے دوران مبینہ طور اُتے موج مستی کردیاں وفاقی وزیرِ اطلاعات عطا تارڑ دی گاڑی دے نیڑے ہوائی فائرنگ کرن والے ملزم اسامہ نوں لاہور پولیس نے اسلحے سمیٹ گرفتار کر لیا۔ پولیس نے سیف سٹی اتھارٹی دی جدید ٹیکنالوجی تے کیمریاں دی مدد نال ملزم نوں قابو کیتا تے ورتوں وچ آؤن والی گاڑی نوں اپنے قبضے وچ لے لیا، ہوائی فائرنگ تے دوجیاں دفعات دے تحت پرچہ (مقدمہ) درج کر لیا گیا اے۔