اسلام آباد ہائیکورٹ بار دا جے یو آئی (ف) دے وکلا کنونشن توں اظہارِ لاتعلقی
اسلام آباد ہائیکورٹ بار دا جے یو آئی (ف) دے وکلا کنونشن توں اظہارِ لاتعلقی
اسلام آباد (مانیٹرنگ ڈیسک) اسلام آباد ہائی کورٹ بار ایسوسی ایشن نے جے یو آئی (ف) دے وکلا کنونشن توں لاتعلقی دا اظہار کردیاں ہوئیاں صاف کر دتا اے کہ اسلام آباد وچ اک سیاسی جماعت دے لائرز کنونشن نال بار ایسوسی ایشن دا کوئی تعلق نہیں۔
بار ایسوسی ایشن دے مطابق، ایس وکلا کنونشن وچ اوہناں دا کوئی کردار نہیں اے تے نہ ہی اوہ ایس دی کوئی تائید یا حمایت کردے نیں۔ بیان وچ اکھیا گیا اے کہ اے تاثر بالکل غلط اے کہ اسلام آباد ہائی کورٹ بار ایسوسی ایشن ایس تقریب نال جڑی ہوئی اے۔
اسلام آباد ہائی کورٹ بار ایسوسی ایشن دے صدر بیرسٹر قاسم نواز عباسی نے اکھیا کہ بار ایسوسی ایشن آئین دی بالادستی، عدلیہ دی آزادی تے قانون دی حکمرانی دے اصولاں اُتے اپنے پکے عزم دا اعادہ کردی اے۔
