نورین دا بیان قابلِ مذمت، قومی جذبات مجروح ہوئے: گورنر

عاصم منیر نے ملکی مورال بلند کیتا، کچھ عناصر ایس حقیقت نوں منّ نہیں رہے

لاہور گورنر پنجاب سردار سلیم حیدر خان نے بانی پی ٹی آئی دی بھین نورین نیازی دے معرکہ حق تے پاک فوج بارے بیان دی سخت مذمت کردے ہوئے کہیا اے کہ قومی اداریاں تے سیاست توں پرہیز کیتا جانا چاہیدا اے۔ اوہناں نے اپنے ردِعمل وچ مزید کہیا کہ پاکستان دی بری، بحری تے فضائی افواج نے اپنی پیشہ ورانہ صلاحیتاں پاروں دنیا بھر وچ ملک دا ناں روشن کیتا، جس تے پوری قوم نوں فخر اے۔ فیلڈ مارشل عاصم منیر نے پاکستان دا مورال عالمی سطح تے بلند کیتا، پر کچھ عناصر ایس حقیقت نوں منّ نہیں رہے۔ سلیم حیدر نے دعویٰ کیتا کہ آزاد کشمیر دے شوݨاں (انتخابات) وچ پاکستان پیپلز پارٹی کامیاب ہووے گی تے بلاول بھٹو زرداری مستقبل وچ پاکستان دے وزیر اعظم بنن گے۔