واپڈا دے میگا آبی منصوبیاں تے عملدرآمد تیز کیتا جائے سہیل آفریدی

پشاور (اے پی پی) وزیر اعلیٰ خیبر پختونخوا سہیل آفریدی دی صدارت ہیٹھ اجلاس وچ واپڈا دے ہائیڈرو پاور تے آبی وسائل دے اہم منصوبیاں دا جائزہ لیا گیا۔ اجلاس وچ سیکرٹری آبی وسائل ، چیئرمین واپڈا ، صوبائی وزرا تے دوجے متعلقہ حکام نے شرکت کیتی۔

اس موقعے تے وزیراعلیٰ نے واپڈا دے میگا آبی منصوبیاں تے عملدرآمد تیز کرن دی ہدایت کیتی ، اجلاس وچ سی آر بی سی لفٹ کینال ، مہمند ڈیم ، نیو منڈا ہیڈ ورکس تے داسو ہائیڈرو پاور پراجیکٹ تے پیش رفت توں آگاہ کیتا گیا۔ وزیر اعلیٰ نے سی آر بی سی لفٹ کینال منصوبے لئی زمین دی خریداری تے عملے دی سکیورٹی یقینی بنان دی ہدایت کردے ہوئے کہیا کہ منصوبہ صوبے دی غذائی تحفظ لئی انتہائی اہم ہے تے اس نال دو لک 95 ہزار ایکڑ توں زیادہ بنجر اراضی زیرِ کاشت آئے گی۔