ڈار دی صدارت ہیٹھ اجلاس ، سفارتی سرگرمیاں لئی تیاریاں دی ہدایت
چین نال اسٹریٹجک تعاون نوں مزید وسعت دتی جائے گی ، پاکستانی سفیر نال گفتگو
اسلام آباد (وقائع نگار) اسحاق ڈار نے وزارتِ خارجہ وچ اجلاس دی صدارت کیتی ، ایس موقعے تے اسحاق ڈار نے وزارتِ خارجہ نوں ہدایت کیتی کہ آئندہ سفارتی سرگرمیاں دے حوالے نال سارے متعلقہ اداریاں نال قریبی رابطہ برقرار رکھیا جائے تے جامع تیاریاں نوں یقینی بنایا جائے۔ ایس توں علاوہ چین وچ پاکستان دے سفیر خلیل ہاشمی نے نائب وزیراعظم تے وزیر خارجہ سینیٹر اسحاق ڈار نال ملاقات کیتی جس وچ پاکستان تے چین دے درمیان دوطرفہ تعلقات تے مختلف شعبیاں وچ تعاون دے فروغ تے تبادلہ خیال کیتا گیا۔ اسحاق ڈار نے کہیا کہ پاکستان تے چین دے درمیان اسٹریٹجک تعاون نوں مزید وسعت دتی جائے گی۔
