۱۲ سیٹاں جیب وچ کہن دا مطلب الیکشن چوری ہے: امجد حسین
لاہور وزیراعلیٰ گلگت بلتستان امجد حسین نے کہیا ہے کہ گلگت بلتستان وچ سانوں آخری ویلے تیکر لیول پلیئنگ فیلڈ ملی، پی پی پی کول ۱۲ تے مسلم لیگ (ن) کول ۴ سیٹاں سن۔ عدالتاں توں ساڈے خلاف سٹے وی آؤندے رہے، اسیں ری الیکشن وچ وی گئے، اوتھے وی جتے تے پی پی دی حکومت بنی۔ اکثریت ساڈے کول سی، ہن کشمیر وچ میدان سجن والا ہے، کشمیر تے گلگت بلتستان وچ کافی حد تیکر حالات اکو جہے ای نیں۔
دنیا نیوز دے پروگرام ”دنیا مہر بخاری کے ساتھ” وچ گل بات کردے ہوئے اوہناں نے کہیا کہ پی پی نے کشمیر وچ جدوجہد جاری رکھی ہوئی ہے، اسیں ایتھے وی اک اک ووٹ اپنی محنت نال لیا ہے۔ سانوں کسے نے بیک نہیں کیتا، لیول پلیئنگ فیلڈ توں ای اسیں جوائناں نوں تیار کیتا تے فتح حاصل کیتی۔
اوہناں کہیا کہ کالعدم ایکشن کمیٹی کوئی سیاسی تحریک نہیں ہے، اوتھے ۱۲ سیٹاں دا مسئلہ ہے، جس نوں مذاکرات نال حل کیتا جا سکدا ہے۔ اک پارٹی کہے کہ ۱۰-۱۲ سیٹاں میری جیب وچ نیں، اس نال شکوک جنم لیندے نیں۔ تسیں پہلے توں دس رہے ہو کہ ایہہ سیٹاں تسیں چرائیاں نیں، ایہوجہی صورت وچ ردعمل تاں آؤنا ای سی، اسی لئی پی پی، جی بی وچ جتی، اسیں کشمیر وچ وی جتاں گے۔
اوہناں آکھیا کہ پنجاب وچ پرفارم کرنا کشمیر دے مقابلے مختلف ہے۔ پنجاب دا بجٹ بہت وڈا ہے، جی بی دا بجٹ ۲۳ ارب ہے، اس وچ سڑکاں تے ہور منصوبیاں دی تکمیل تاں ممکن نہیں ہے۔ وفاق نوں چاہیدا ہے کہ سانوں ساڈا حق دیوے۔
