اسلام آباد وچ اج توں یونین کونسلاں دی نویں حلقہ بندیاں دا آغاز

اسلام آباد وچ یونین کونسلاں دی حلقہ بندیاں دا شیڈول جاری، ۳۱ جولائی تک نقشے تے ریکارڈ حاصل کیتا جاوے گا

۳۱ اگست تک یو سی فہرستاں دی تیاری، ۲۷ اگست توں ۱۶ ستمبر تک اعتراضات جمع ہون گے، حتمی فہرست ۱۳ اکتوبر نوں شائع ہوئے گی

اسلام آباد (نیوز رپورٹر): الیکشن کمیشن آف پاکستان نے وفاقی دارالحکومت وچ بلدیاتی چَوناں (انتخابات) کروان لئی یونین کونسلاں دی نویں حلقہ بندیاں (ڈیلمیٹیشن) دا باقاعدہ شیڈول جاری کر دتا ہے۔ حکمنامے موجب حلقہ بندیاں دا کم اج توں شروع ہو رہا ہے۔

شیڈول دے تفصیلی مراحل تھلے درج نیں:

پہلا مرحلہ (۳۱ جولائی ۲۰۲۶ء تک): انتظامی معاملات، نقشیاں دا حصول تے دوجا متعلقہ ریکارڈ تیار کیتا جاوے گا۔
دوجا مرحلہ (یکم اگست توں ۲۵ اگست ۲۰۲۶ء): حلقیاں تے یونین کونسلاں دی ابتدائی فہرست (فارم ۸) تیار کیتی جاوے گی۔
ابتدائی فہرست دی اشاعت: ۲۶ اگست ۲۰۲۶ء نوں ابتدائی فہرست (فارم ۸) شائع کیتی جاوے گی۔
اعتراضات جمع کروان دا ویلا (۲۷ اگست توں ۱۶ ستمبر ۲۰۲۶ء): متعلقہ ووٹرز حلقہ بندیاں دے خلاف ڈیلمیٹیشن اتھارٹی اگے اپنے اعتراضات جمع کروا سکن گے۔
اعتراضات دی سماعت تے فیصلے: ڈیلمیٹیشن اتھارٹی ۲۷ اگست توں یکم اکتوبر ۲۰۲۶ء تک ملن والے اعتراضات دی سماعت کرے گی تے فیصلے سناوے گی۔ اعتراضات نپٹان دی آخری تاریخ یکم اکتوبر ۲۰۲۶ء رکھی گئی ہے۔
کمیٹی نوں آگاہی: ڈیلمیٹیشن اتھارٹی ۸ اکتوبر ۲۰۲۶ء تک اپنے فیصلیاں بارے ڈیلمیٹیشن کمیٹی نوں دسے گی۔
حتمی اشاعت: حلقیاں تے یونین کونسلاں دی حتمی فہرست (فارم ۹) ۱۳ اکتوبر ۲۰۲۶ء نوں شائع کیتی جاوے گی