ہائیکورٹ دا حکم: ایف آئی اے (FIA) نوں نویاں بھرتیاں دے نتائج روکن دی ہدایت
نتائج توں پہلے ایف آئی اے درخواست گزار نوں سن کے تفصیلی فیصلہ کرے: اسلام آباد ہائیکورٹ دا حکم
آؤٹ آف سلیبس ٹیسٹ لیا گیا، ایف آئی اے نے میری گل نہیں سنی: درخواست گزار دا موقف
اسلام آباد (رضوان قاضی): اسلام آباد ہائیکورٹ دے جسٹس اعظم خان نے فیڈرل انویسٹی گیشن ایجنسی (FIA) نوں بھرتیاں دے نتائج جاری کرن توں روکدے ہوئے حکم دتا ہے کہ ایف آئی اے بھرتیاں دے نتائج توں پہلے پٹیشنر دی درخواست تے فیصلہ کرے۔
یاسر عرفات نامی شہری دی درخواست تے سماعت دوران درخواست گزار ولوں افراسیاب احمد رانا ایڈووکیٹ عدالت وچ پیش ہوئے تے موقف اختیار کیتا کہ:
- بھرتیاں لئی سلیبس توں باہر (آؤٹ آف سلیبس) ٹیسٹ لیا گیا۔
- درخواست گزار نے ۱۶ تے ۱۷ جولائی نوں ایف آئی اے نوں درخواست دتی لیکن ایہدے تے کوئی فیصلہ نہیں کیتا گیا۔
عدالت نے ایہناں ہدایات نال درخواست نپٹا دتی۔ بعد وچ جاری کیتے گئے تحریری حکمنامے وچ عدالت دا کہنا سی کہ کیس دے میرٹ تے عدالت کوئی آبزرویشن نہیں دے رہی۔ ایف آئی اے درخواست گزار نوں ذاتی طور تے سنے تے ٹھوس وجوہات دے نال اوہدی درخواست تے تفصیلی فیصلہ صادر کرے۔
