پی ٹی آئی دے ناراض ممبراں دا بیرسٹر گوہر نوں خط: “مائنس عمران خان” دی جاری کوششان دا سنسنی خیز انکشاف
پی ٹی آئی دے ناراض ارکان دا بیرسٹر گوہر نوں خط: بانی پی ٹی آئی نوں باقاعدہ مائنس کرن دیاں کوششاں دا انکشاف
ارکان دا مطالبہ: صوبائی اسمبلی وچ ‘رہائی تحریک’ لئی مضبوط تے جامع لائحہ عمل بنایا جاوے، وعدے دے باوجود قیادت نال ملاقات نہیں کرائی گئی
اسلام آباد (مانیٹرنگ ڈیسک): پاکستان تحریک انصاف دے ناراض ارکانِ اسمبلی نے پارٹی چیئرمین بیرسٹر گوہر نوں اک خط لکھیا ہے جس وچ انکشاف کیتا گیا ہے کہ بانی پی ٹی آئی عمران خان نوں وکھ وکھ موقعیاں تے باقاعدہ طور تے مائنس کرن دی کوشش کیتی جا رہی ہے۔
ارکان نے آکھیا کہ صوبائی اسمبلی وچ ’رہائی تحریک‘ دا صرف ون پوائنٹ ایجنڈا بانی پی ٹی آئی دی رہائی ہے، ایس لئی ہر ممکن کوشش کردے ہوئے اک مضبوط تے جامع لائحہ عمل ترتیب دتا جاوے۔
ناراض ارکان نے آکھیا کہ تسیں واضح طور تے یقین دہانی کرائی سی کہ جلدی ای علامہ ناصر عباس تے محمود خان اچکزئی نال مرکزی قیادت دی موجودگی وچ ساڈی ملاقات کرائی جاوے گی، پر ہن تک ایس حوالے نال نہ تے سانوں کسی پیش رفت توں دَسیا گیا ہے تے نہ ای عملی طور تے کوئی وکھالا سامنے آیا ہے۔
