پٹرول 6.39، ڈیزل 7.83 روپے لٹر مہنگا، پمپ مالکان دی ہڑتال ملتوی

پٹرولیم مصنوعات دیاں قیمتاں وِچ واڈھا: پٹرول 327.12 تے ڈیزل 375.04 روپے لٹر ہو گیا

اسلام آباد:

حکومت نے پٹرولیم مصنوعات دیاں نویاں قیمتاں دا اعلان کر دتا اے۔ پٹرولیم ڈویژن دے نوٹیفکیشن مطابق پٹرول دی قیمت وِچ 6.39 روپے اضافے توں بعد نویں قیمت 327 روپے 12 پیسے فی لٹر، تے ہائی سپیڈ ڈیزل وِچ 7.83 روپے اضافے توں بعد نویں قیمت 375 روپے 4 پیسے فی لٹر مقرر کیتی گئی اے۔ مٹی دا تیل وی 7.80 روپے مہنگا کر کے 297 روپے 17 پیسے فی لٹر کر دتا گیا اے۔ نوٹیفکیشن مطابق ایہ قیمتاں اوگرا (OGRA) ولوں عالمی منڈی دی صورتِ حال نوں دیکھدے ہوئیاں طے کیتیاں گئیاں نیں۔

تحریری یقین دہانی تے ہڑتال ملتوی: پمپ مالکان تے حکومت دے مذاکرات

اسلام آباد:

وزیرِ پٹرولیم علی پرویز ملک نال کامیاب مذاکرات تے تحریری یقین دہانی توں بعد پٹرول پمپ اونرز تے ڈیلرز ایسوسی ایشن نے ہڑتال ملتوی کرن دا اعلان کر دتا اے۔ وزیرِ پٹرولیم نے آکھیا کہ عالمی منڈی وِچ قیمتاں وِچ وادھے پاروں ایہ بوجھ پیا اے۔ اوہناں یقین دہانی کروائی کہ ڈیلرز دے مارجن وِچ اضافے دا معاملہ وفاقی کابینہ وِچ اٹھایا جائے گا تے اوگرا نال مل کے دو ہفتیاں وِچ مسئلہ حل کیتا جائے گا۔ فی الوقت پٹرول تے ڈیزل تے ڈیلرز مارجن 8 روپے 64 پیسے فی لٹر اے۔

ایسوسی ایشن وِچ اختلاف: ہمایوں خان دا ہڑتال جاری رکھن دا اعلان

اسلام آباد:

دوجے پاسے، پٹرول پمپس ایسوسی ایشن دے چیئرمین ہمایوں خان نے مذاکرات دی کامیابی نوں مسترد کردیاں آکھیا اے کہ اوہناں دا شٹر ڈاؤن جاری رہے گا۔ اوہناں دا کہنا سی کہ حکومت نال اوہناں دے مذاکرات ناکام ہوئے نیں تے ہڑتال ملتوی کرن والے افراد کول کوئی رسمی عہدہ نہیں۔ اوہناں دعویٰ کیتا کہ ملک بھر وِچ اوہناں دی ہڑتال قائم رہے گی۔F