کھاد دیاں قیمتاں وچ ٹھہراؤ تے بناں کسے رکاوٹ دی فراہمی یقینی بناواں گے، رانا تنویر

اسلام آباد (نامہ نگار) وفاقی وزیر قومی غذائی تحفظ تے تحقیق رانا تنویر حسین نے آکھیا کہ وفاقی تے صوبائی الحکومتیں کھاد بنان والیاں کمپنیاں نال نیڑا رابطہ قائم رکھدے ہوئے۔۔۔

سارے ملک وچ کھاد دی وافر دستیابی، قیمتاں وچ ٹھہراؤ تے بناں کسے رکاوٹ دی فراہمی نوں یقینی بناوان گیئاں تاکہ زرعی پیداوار وچ وادھا تے قومی غذائی تحفظ دے نشان نوں حاصل کیتا جا سکے۔ ایہناں خیالات دا اظہار پنجاب دے وزیر زراعت سید عاشق حسین شاہ نال اجلاس دی صدارت کردے ہوئے کیتا۔ رانا تنویر نے آکھیا کہ پاکستان وچ کھاد دی کوئی تھوڑ نہیں۔ سارے کھاد بنان والے کارخانے معمول دے مطابق کم کر رہے نیں۔ ایس توں علاوہ رانا تنویر حسین نے فامسن گروپ دے چیف ایگزیکٹو آفیسر جیک چن دی قیادت وچ آۓ وفد نال ملاقات تے ایک اعلیٰ سطحی اجلاس دی صدارت کیتی۔ وفاقی وزیر نے آکھیا کہ پاک چین تعاون ہن ایک نویں پڑاء وچ داخل ہو چکا اے۔ اوہناں نے فامسن گروپ نوں پاکستان وچ سرمایہ کاری تے تعاون نوں ہور وادھن دی دعوت دتی۔