گرین انکلیو ون منصوبے وچ تاخیر تے سینیٹ کمیٹی غصے، ٹھیکیدار نوں سدھ لیا

پاک پی ڈبلیو ڈی دے ایڈجسٹ ملازماں دیاں تنخواہاں تے بقایا جات ترت ادا کرن دی ہدایت

اسلام آباد (اے پی پی) سینیٹ دی قائمہ کمیٹی برائے ہاؤسنگ اینڈ ورکس نے سابق پاکستان پبلک ورکس ڈیپارٹمنٹ (پاک پی ڈبلیو ڈی) دے وکھ وکھ وزارتاں تے محکمیاں وچ ایڈجسٹ کیتے گئے ملازماں نوں تنخواہاں تے بقایا جات دی ادائیگی وچ تاخیر تے سخت تشویش دا اظہار کردے ہوئے متعلقہ وزارتاں نوں ترت ادائیگی یقینی بنان دی ہدایت کیتی اے۔ چیئرمین سینیٹر ناصر محمود دی زیر صدارت ہون والے اجلاس وچ دَسیا گیا کہ سابق پاک پی ڈبلیو ڈی دے 20 ہزار 24 ملازم وکھ وکھ وزارتاں تے محکمیاں وچ ایڈجسٹ کیتے جا چکے نیں۔

ایہناں وچوں 3 ہزار 94 ملازماں دیاں تنخواہاں جاری کر دتیاں گئیاں نیں جد کہ تقریباً 30 ملازماں دے کیس حالے بھی زیر التوا نیں۔ کمیٹی نے گرین انکلیو-I ہاؤسنگ منصوبے وچ غیر معمولی تاخیر، لاگت وچ وادھے تے الاٹیاں نوں پیش آؤن والیاں مشکلاں تے بھی سخت تشویش تے غصے دا اظہار کیتا۔ ایف جی ای ایچ اے حکام نے تاخیر دیاں وجوہات وچ عدالتی مقدمے، نیب تحقیقات، زمین دے جھگڑے تے ہور انتظامی مسئلیاں دا ذکر کیتا جد کہ دَسیا کہ تعمیراتی کم دوبارہ شروع ہو چکا اے۔ چیئرمین کمیٹی نے تاخیر دے ذمہ داراں دا تعین کرن تے ٹھیکیدار ڈاکٹر حفیظ عباسی نوں آؤندے اجلاس وچ سدن دی ہدایت کیتی۔پاک پی ڈبلیو ڈی دے ایڈجسٹ ملازماں دیاں تنخواہاں تے بقایا جات ترت ادا کرن دی ہدایت