وزیراعظم نال بابر اعوان دی اہم ملاقات، ممنوعہ فنڈنگ کیس تے تفصیلی مشاورت

اسلام آباد: وزیراعظم عمران خان دا بابر اعوان دے نال ملاقات وچ کہنا سی اپوزیشن دیاں دوواں وڈیاں سیاسی جماعتاں نے آپ منی لانڈرنگ کیتی تے ایہدے ذریعے ممنوعہ فنڈنگ دا ستعمال کیتا۔ بابر اعوان نے وزیراعظم نوں کیس بارے قنونی تے آئینی نکات تے بریفنگ دتی۔

پی ٹی آئی رہنما بابر اعوان دا کہنا سی پاکستان تحریک انصاف الیکشن کمیشن وچ سارا مالی حساب کتاب جمع کروا چکی اے۔ پارٹی دے کھاتیاں دا لگاتار آڈٹ وی کروایا جاندا رہیا اے۔ اوہناں دا کہنا سی جہڑا وزیراعظم اپنے خرچے تے گھر وچ رہندا اے، اوہنوں بیرونی فنڈنگ دی لوڑ نہیں ، بیرونی فنڈنگ دی لوڑ فالودے والے تے جعلی اکاؤنٹس رکھن والیاں دی سی۔