عالمگیر ریاضی اولمپیاڈ: پاکستان نے دو کانسی دے تمغے تے دو عزازی سنداں حاصل کر لئیاں
اسلام آباد (خصوصی رپورٹر) پاکستان نے 67 ویں انٹرنیشنل میتھمیٹیکل اولمپیاڈ (عالمگیر ریاضی اولمپیاڈ) 2026 وچ بہترین کارکردگی دا پرگٹاوا کردیاں دو کانسی دے تمغے تے دو عزازی سنداں حاصل کر لئیاں۔
ایہہ عالمگیر مقابلہ چین دے شہر شنگھائی وچ ہویا۔ قومی ٹیم نے ایس کامیابی نال انٹرنیشنل میتھمیٹیکل اولمپیاڈ وچ پاکستان دی شمولیت دی تریخ دا سَبھ توں وادھ کُل سکور وی حاصل کیتا جیہڑا دنیا دے سَبھ توں معتبر ریاضیاتی مقابلے وچ دیس دی ہن تیکر دی سَبھ توں بہترین کارکردگی اے۔ ایس توں پہلے پاکستانی ٹیم نے بیجنگ وچ بیجنگ انسٹیٹیوٹ آف میتھمیٹیکل سائنسز اینڈ ایپلی کیشنز دے زیرِ اہتمام ہوئے چائنیز میتھمیٹکس مقابلے وچ وی حِصّہ لیا جتھے پاکستانی طالب علماں نے دو تیجیاں پوزیشنایاں حاصل کیتیاں
