آئی ایم ایف دا دباؤ: ایکسپورٹ پراسسنگ زونز دی 20 فیصد مقامی وِکری (فروخت) دی چھوٹ ختم
اسلام آباد (مدثر علی رانا)
آئی ایم ایف دی شرط دے مطابق ستمبر توں ایکسپورٹ پراسسنگ زونز دی ۲۰ فیصد پروڈکشن مقامی مارکیٹ وچ ویچن تے پابندی ہووے گی۔ دستاویز دے مطابق ایکسپورٹ پراسسنگ زونز نوں سو فیصد پروڈکشن ایکسپورٹ کرنی ہووے گی۔
باوثوق ذرائع توں معلوم ہویا اے کہ حکومت دی آئی ایم ایف توں ۲۰ فیصد پروڈکشن مقامی مارکیٹ وچ ویچن تے پابندی عائد نہ کرن تے مزید ایکسپورٹ پراسسنگ زونز بنان لئی اجازت دی درخواست نوں آئی ایم ایف نے منن توں انکار کر دتا اے، پر حکومت آؤندے اقتصادی جائزے دے دوران آئی ایم ایف نال ۲۰ فیصد پروڈکشن مقامی مارکیٹ وچ ویچن تے پابندی عائد نہ کرن تے مزید ایکسپورٹ پراسسنگ زونز بنان لئی گل کرے گی۔ مشیر وزیراعظم ہارون اختر خان نے دَسیا کہ آئی ایم ایف نے ای پی زونز تے تحفظات دا اظہار کیتا اے۔
سلیم مانڈوی والا دی زیر صدارت سینیٹ دی قائمہ کمیٹی برائے صنعت و پیداوار دے اجلاس وچ نئی آٹو پالیسی دی وجہ توں ملک وچ ہائبرڈ گڈیاں دی پیداوار بند ہون دا انکشاف ہویا اے۔ آٹو مینوفیکچرر دے نمائندے نے انکشاف کیتا کہ ۲۲ دناں توں پورے پاکستان وچ ہائبرڈ تے پلگ اِن ہائبرڈ گڈیاں نہیں بن رہیاں۔ گڈیاں اس لئی نہیں بن رہیاں کیونکہ ساڈے کول ٹیرف نہیں اے۔ جے اگلے ۷ دن وی ایوینج چلدا رہیا تاں کمپنی ملازماں دیاں تنخواہواں کِتھوں دیوے گی؟ ہارون اختر نے فورم نوں دَسیا کہ ٹیرف پالیسی بورڈ دی میٹنگ بلا رہے آں، ایہ مسئلہ حل کراں گے۔
