سیلابی صورتحال نال نمٹن لئی سارے وسائل ورتوں وچ لیائے جان: مریم نواز
کلینک آن ویل متاثرہ علاقیاں وچ بھیجن، صوبے بھر وچ مین ہول، گٹر، گڈھے محفوظ بناؤن دی بھی ہدایت، بجلی تقسیم کار کمپنیاں دی غفلت دی وجہ توں انسانی جندڑیاں ضائع ہو رہیاں ہن: وزیراعلیٰ، اجلاس وچ اہم فیصلے
لاہور (دنیا نیوز، مانیٹرنگ ڈیسک) وزیراعلیٰ پنجاب مریم نواز شریف نے متعلقہ اداریاں نوں ہائی الرٹ رہن دی ہدایت کردے ہوئے کہیا اے کہ مون سون، اربن فلڈنگ، رودکوہی تے ممکنہ سیلابی صورتحال نال نمٹن لئی سارے انسانی تے مکینیکل وسائل ورتوں وچ لیائے جان۔ وزیراعلیٰ مریم نواز شریف دی صدارت ہیٹھ اعلیٰ سطح اجلاس وچ واسا تے دوجے متعلقہ محکمیاں نے مون سون نال متعلق تفصیلی بریفنگ دتی، اجلاس وچ بارشاں، نکاسی آب تے حفاظتی انتظاماں دا جائزہ لیا گیا جبکہ کئی اہم فیصلے کیتے گئے۔ وزیراعلیٰ نے کرنٹ لگن نال ہوؤن والی موتاں تے لیسکو تے دوجیاں بجلی تقسیم کار کمپنیاں نوں فوری نوٹس لین دی ہدایت کردے ہوئے کہیا کہ بجلی تقسیم کار کمپنیاں دی غفلت دی وجہ توں قیمتی انسانی جندڑیاں ضائع ہو رہیاں ہن، کھمبیاں تے لٹکدے بجلی دے تار شہریاں لئی سنگین خطرہ بن چکے ہن۔
انہاں نے واسا کمپلینٹ ہیلپ لائن تے فوری کارروائی، شکایتاں دے حل دا ریکارڈ مرتب کرن، دریاواں، ڈیماں تے بیراجاں تے نہاؤن دی پابندی یقینی بناؤن تے انہاں تھاواں دی ڈرون مانیٹرنگ دی ہدایت بھی جاری کیتی۔ مریم نواز نے مسجداں، الیکٹرانک تے سوشل میڈیا دے ذریعے بارشاں تے فلڈ دی صورتحال نال متعلق ویلے سر آگاہی مہم چلاؤن، مون سون دے دوران تمام تعمیراتی تھاواں، مین ہولاں، گٹراں تے گڈھیاں نوں محفوظ بناؤن، خستہ حال عمارتوں دا جائزہ لین تے خطرناک قرار دتیاں گئیاں عمارتوں نوں رضاکارانہ طور تے خالی کراؤن دی ہدایت کیتی۔ وزیراعلیٰ نے ماپیاں نوں اپیل کیتی کہ وہ اپنے بالاں نوں سیلابی پانی تے خطرناک تھاواں تے جان توں روکن جبکہ سپ دے لڑن تے پانی نال پھیلائی بیماریاں دے روکتھام لئی کلینک آن ویل متاثرہ علاقیاں وچ بھیجن دا بھی حکم دتا۔
انہاں نے ملتان تے ڈیرہ غازی خان وچ رودکوہی تے اربن فلڈنگ نال متعلق ویلے سر وارننگ تے انخلاء، مری وچ لینڈ سلائیڈنگ دے خطرے نوں دیکھدے ہوئے پہلے توں انخلاء تے سیاحاں نوں اعلانات دے ذریعے آگاہ کرن دی ہدایت بھی جاری کیتی۔ وزیراعلیٰ نے پی ڈی ایم اے، این ڈی ایم اے، واسا، ریسکیو 1122 تے لوکل گورنمنٹ دے درمیان مکمل سانجھ، ہر ضلعے وچ مون سون فلڈ کنٹرول روم 24 گھنٹے چالو رکھن، تجارتی، عوامی تے رہائشی علاقیاں توں بارشی پانی دی فوری نکاسی تے لوڑ دے مطابق ہور ڈی واٹرنگ سیٹس فراہم کرن دا حکم دتا۔ اجلاس وچ مریم نواز نے گجرات، اوکاڑہ، لاہور تے مری دے ڈپٹی کمشنراں، ایم ڈی واسا، صوبائی وزیر صحت خواجہ سلمان رفیق، وزیر ہاؤسنگ بلال یاسین، وزیر بلدیات ذیشان رفیق تے پوری ٹیم دی کارکردگی نوں سراہندے ہوئے شاباش دتی۔
وزیراعلیٰ نے کہیا کہ اللہ تعالیٰ دے فضل و کرم نال جتھے پہلے کئی کئی دن پانی کھلوتا رہندا سی وہاں ہن کجھ گھنٹیاں وچ نکاسی آب ممکن ہوئی، موسمیاتی تبدیلی پاروں متوقع زیادہ بارشاں نوں دیکھدے ہوئے کیتے گئے پیشگی انتظام اثرائتے ثابت ہوئے جبکہ کئی دہائیاں بعد گجرات شہر نوں بارش توں بعد ویلے سر نکاسی آب پاروں وڈے نقصان توں بچایا گیا۔ مریم نواز نے کہیا کہ پنجاب وچ پہلی وار 41 ضلعیاں وچ واسا دے قیام تے پی ڈی پی منصوبے دے مثبت نتائج سامنے آئے، تمام ضلعیاں وچ اک ہزار ڈی واٹرنگ سیٹس، دوجی مشینری فراہم کیتی گئی، صوبے بھر وچ 6 لکھ 60 ہزار ٹن ڈی سلٹنگ، 4 ہزار کلومیٹر سیوریج لائن، سوا دو لکھ مین ہولز تے 724 کلومیٹر ڈرین دی صفائی مکمل کیتی گئی، ہور 207 جدید ڈی واٹرنگ سیٹس بھی فراہم کیتے جان گے۔
اس توں علاوہ وزیراعلیٰ مریم نواز شریف دی ہدایت تے 41 ضلعیاں وچ جدید ترین پمپنگ آؤٹ واٹر ڈسپوزل سٹیشن چالو کر دتے گئے جبکہ لاہور دے لالک چوک وچ کھلوتے کئی کئی فٹ پانی دی کجھ گھنٹیاں وچ نکاسی مکمل کر لئی گئی، لاہور وچ 48 گھنٹے مسلسل 343 ملی میٹر بارش دے باوجود پانی جمع نہ ہوؤن تے شہریاں نے سکھ دا ساہ لیا۔ وزیر اعلیٰ دی ہدایت تے لاہور دے کمشنر، ڈپٹی کمشنر تے اسسٹنٹ کمشنراں توں علاوہ واسا، لوکل گورنمنٹ تے تمام متعلقہ اداریاں دے افسران تے عملہ فیلڈ وچ موجود رہا۔ ادھر وزیراعلیٰ دی ہدایت تے انڈر پاسز دی لائیو مانیٹرنگ شروع کر دتی گئی تے ہن سیف سٹی اتھارٹی دے کیمریاں نال کسے بھی انڈر پاس وچ پانی کھلوتا ہوؤن دی صورت وچ فوری طور تے نشاندہی ممکن تے فوری سدباب ہو سکے گ
