وزیرِ تجارت نال برطانوی ہائی کمشنر دی ملاقات، تجارتی رابطیاں تے اتفاق
جام کمال نال میٹا دے وفد دی بھی ملاقات، ڈیجیٹل معیشت تے مصنوعی ذہانت وچ تعاون تے تبادلہ خیال
اسلام آباد (اے پی پی) پاکستان تے برطانیہ نے دوطرفہ تجارتی رابطے تیز کرن، بزنس ٹو بزنس تعاون نوں مضبوط بناؤن تے موجودہ تجارتی ڈائیلاگ نوں ہور منظم اقتصادی تے تجارتی فریم ورک وچ اپ گریڈ کرن تے اتفاق کیتا اے۔ ایہ مفاہمت وفاقی وزیرِ تجارت جام کمال تے برطانوی ہائی کمشنر جین میریٹ دے درمیان ملاقات دے دوران طے پائی۔ دوہاں فریقاں نے موسمِ خزاں وچ اسلام آباد وچ آئندہ پاکستان-برطانیہ تجارتی مذاکرات دے انعقاد لئی قریبی رابطہ کاری تے کام کرن تے بھی اتفاق کیتا۔ علاوہ ازیں وزیرِ تجارت جام کمال نال میٹا دے وفد نے ملاقات کیتی جس وچ ڈیجیٹل معیشت، مصنوعی ذہانت تے ای کامرس دے شعبیاں وچ تعاون تے تبادلہ خیال کیتا گیا۔
