پختونخوا ڈیجیٹل ٹرانسفارمیشن پالیسی تے روڈ میپ 2030 دا باقاعدہ اغاز

ڈیجیٹلائزیشن نال لوکاں نوں سرکاری دفتراں دے غیر ضروری چکر نہیں لاؤنے پین گے، نواں ٹیکس لائے بغیر 150 ارب ریونیو جمع کیتا : سہیل آفریدی دا تقریب نال خطاب

پشاور (اے پی پی) وزیراعلیٰ خیبر پختونخوا سہیل آفریدی نے خیبر پختونخوا ڈیجیٹل ٹرانسفارمیشن پالیسی تے روڈ میپ 2030 دا باقاعدہ اغاز کر دتا۔ تقریب نال خطاب کردیاں سہیل آفریدی نے کہیا اے کہ ڈیجیٹل ٹرانسفارمیشن پالیسی تے روڈ میپ 2030 پاکستان دیاں جامع ترین ڈیجیٹل پالیسیاں وچ شامل اے۔ ڈیجیٹل ٹرانسفارمیشن پالیسی تے روڈ میپ پنج سٹریٹجک تھمھاں، 9 اہداف، 32 تھیمیٹک ڈومینز تے 915 سٹریٹجک انٹروینشنز تے مشتمل اے۔ پیپر لیس گورننس تے ڈیجیٹل اصلاحاں نال شفافیت، جوابدہی تے سرکاری کارکردگی وچ نمایاں بہتری آوے گی۔

اوہناں نے کہیا کہ حکومتی خدمات مرحلہ وار آن لائن تے سٹیزن سنٹرک بنائیاں جاون گی۔ اوہناں نے کہیا کہ ڈیجیٹلائزیشن نال دور دراز علاقیاں دے لوکاں نوں سرکاری دفتراں دے غیر ضروری چکر نہیں لاؤنے پین گے۔ کوئی نواں ٹیکس لائے بغیر پچھلے مالی سال 129 ارب روپے دے ہدف دے مقابلے وچ 150 ارب روپے ریونیو جمع کیتا گیا۔ اوہناں نے کہیا کہ ایہناں دناں دے مالی سال ریونیو دا ہدف 180 ارب روپے مقرر اے، امید اے کہ وصولیاں 200 ارب روپے تک پہنچ جاون گی۔