48 دناں دی بندش توں بعد میرپور ڈویژن وچ انٹرنیٹ سروس بحال
پوری بحالی مرحلہ وار ہووے گی: حکام؛ بلاول دا چیف الیکشن کمشنر آزاد کشمیر نال اظہارِ تشکر
مظفرآباد (محمد اسلم میر) آزاد جموں و کشمیر دے مختلف علاقیاں وچ 48 دناں دی لمبی بندش توں بعد جمعرات نوں انٹرنیٹ سروس جزوی طور تے بحال کر دتی گئی، انٹرنیٹ سروس 5 جون نوں راولاکوٹ وچ کالعدم جوائنٹ عوامی ایکشن کمیٹی دے لانگ مارچ تے دھرنے دی کال توں بعد لائیاں گئیاں پابندیاں پاروں معطل کیتی گئی سی، جمعرات دی شام میرپور شہر، افضل پور، چکسواری، منگلا ہیملٹ، اسلام گڑھ، کوٹلی تے بھمبر وچ انٹرنیٹ سروس بحال کر دتی گئی، تاہم آزاد کشمیر دے دوجے علاقیاں وچ ہلے تک سروس بحال نہیں ہو سکی، حکام مطابق انٹرنیٹ دی بحالی دا عمل مرحلہ وار پورا کیتا جاوے گا تے آؤندے مرحلے وچ مظفرآباد ڈویژن وچ وی سروس بحال کر دتی جاوے گی۔ میرپور ڈویژن وچ انٹرنیٹ بحال ہون توں بعد بلاول بھٹو نے چیف الیکشن کمشنر آزاد کشمیر جسٹس (ر) غلام مصطفی مغل دا شکریہ ادا کیتا۔
