سری لنکن حکومت نے پاکستانیاں لئی ویزا فیس مکا دتی

پاکستانی سیاحاں دی سری لنکا آمد وچ وادھا، سری لنکا وچ ویاہ دیاں تقریباں، فری ٹریڈ معاہدے دے باوجود تجارت وچ روکاں نے : قونصل جنرل سری لنکا

اسلام آباد (مانیٹرنگ ڈیسک) سری لنکا دے قونصل جنرل سنجیوا پٹیوالا نے کہیا اے کہ سری لنکن حکومت نے پاکستانیاں لئی ویزا فیس مکا (ختم کر) دتی اے، آن لائن ویزا درخواست تے 48 گھنٹیاں وچ فیصلہ کیتا جاندا اے۔ اوہناں نے کہیا کہ ویزا فیس مکن نال پاکستانی سیاحاں دی سری لنکا آمد وچ وادھا ہویا اے، ایس سال 30 ہزار پاکستانی سیاحاں دی سری لنکا آمد دی امید اے، پچھلے سال سری لنکا آؤن والے پاکستانیاں دی گنتی 20 ہزار سی، ویزا فیس مکن توں بعد سری لنکا وچ پاکستانی جوڑیاں دی ویاہ تقریباں منعقد ہو رہیاں نے، اوہناں نے کہیا کہ پاکستان نے 100 سری لنکن طالب علماں (سٹوڈنٹس) نوں علامہ اقبال یونیورسٹی وچ سکالرشپ دتی اے، 2005 وچ فری ٹریڈ معاہدے تے دستخط ہون دے باوجود دوہاں ملکاں وچالے تجارت وچ روکاں موجود نے۔