پاکستان دا مشرقِ وسطیٰ رولے وچ سعودی عرب نوں گھسیٹن دیاں کوشِشاں تے تشویش دا اظہار۔
پاکستان نے مشرقِ وسطیٰ دے رولے (تنازع) وچ سعودی عرب نوں گھسیٹن دیاں کوشِشاں تے تشویش دا اظہار کردے ہوئے بھرا دیس دی سلامتی، خودمختاری تے علاقائی سالمیت دی غیر متزلزل حمایت دا اعادہ کیتا ہے۔
ترجمان دفترِ خارجہ طاہر اندرابی نے ہفتہ وار بریفنگ وچ کہیا کہ پاکستان نے حوثیاں ولوں سعودی عرب تے تجارتی جہازاں نوں دھمکیاں دی مذمت کیتی، تجارتی جہازاں نوں دھمکیاں علاقائی امن تے عالمی تجارت لئی سنگین خطرہ نیں۔
ترجمان نے کہیا کہ پاکستان اپنے بحری مفاداں دے تحفظ لئی پرعزم ہے، پاکستان نوں مشرقِ وسطیٰ وچ کشیدگی تے تشویش ہے۔
طاہر اندرابی نے کہیا کہ پاکستان نے سارے فریقاں نوں ضبط تے تحمل دا مظاہرہ کرن تے زور دتا، پاکستان گل بات (مذاکرات) تے سفارتکاری دیاں کوشِشاں دی حمایت جاری رکھے گا۔
افغانستان دے حوالے نال گل بات کردے ہوئے طاہر اندرابی نے کہیا کہ افغان طالبان رجیم دہشت گرد تنظیماں دی پشت پناہی کر رہی ہے، افغانستان وچ دہشت گردیاں دے محفوظ ٹھکانے انجے ای موجود نیں۔
انہاں نے کہیا کہ افغان طالبان ولوں دہشت گردیاں دی پشت پناہی نال علاقائی امن نوں خطرہ لاحق ہے، ہزاراں پاکستانی شہری دہشت گردی دے واقعیاں وچ شہید ہو چکے نیں۔
ترجمان نے مطالبہ کیتا کہ عالمی برادری دہشت گردیاں دی پشت پناہی تے افغان طالبان نوں جواب دہ ٹھہرائے۔
ترجمان دفترِ خارجہ نے کہیا کہ ایرانی وزیرِ داخلہ نے وزیراعظم شہباز شریف، نائب وزیراعظم اسحاق ڈار تے فیلڈ مارشل سید عاصم منیر نال ملاقاتاں کیتیاں نیں۔
ترجمان دے مطابق نائب وزیرِ اعظم و وزیرِ خارجہ اسحاق ڈار نے آسیان ریجنل فورم دے موقعے تے مختلف دیساں دے وزرائے خارجہ نال ملاقاتاں کیتیاں جیہدے وچ مشرقِ وسطیٰ وچ قیامِ امن تے کشیدگی دے خاتمے دی اہمیت تے زور دتا گیا۔
ترجمان دے مطابق نائب وزیراعظم نے روسی وزیرِ خارجہ نال وی ملاقات کیتی جیہدے وچ دوطرفہ تعلقات دے سارے پہلوآں دا احاطہ کیتا گیا۔
ترجمان نے کہیا کہ کینیڈا دی وزیرِ خارجہ انیتا آنند نے حال ای وچ پاکستان دا اہم دورہ کیتا تے پاکستانی قیادت نال ملاقاتاں وچ تجارت تے مختلف شعبیاں وچ تعاون دا جائزہ لیا گیا جبکہ تجارت، سرمایہ کاری تے سکیورٹی دے شعبیاں وچ تعاون ودھاؤن تے اتفاق ہویا۔
