10 سالہ ریلوے روڈ میپ تے کم شروع۔
اسلام آباد (اے پی پی) حکومتِ پاکستان نے ریلوے دے نظام نوں جدید تقاضیاں نال ہم آہنگ تے مالی طور تے مستحکم بناؤن لئی 2033 تک دے جامع سٹریٹجک روڈ میپ تے باقاعدہ کم شروع کر دتا اے۔
ایس 10 سالہ منصوبے دے تحت مین لائن 1 تے مین لائن 3 دی اپ گریڈیشن، علاقائی مواصلاتی رابطیاں وچ بہتری تے ریلوے دے سارے شعبیاں دی جدید ڈیجیٹلائزیشن ورگے بنیادی تے اہم منصوبیاں تے پیش رفت تیزی نال جاری اے۔ انہاں خیالات دا اظہار وفاقی وزیر ریلوے محمد حنیف عباسی نے اسلام آباد وچ “اڑان پاکستان” پروگرام دے تحت پاکستان ریلوے نال متعلق منعقدہ خصوصی گول میز کانفرنس توں خطاب کردے ہوئے کیتا۔ انہاں نے دسیا کہ تھر کول ریلوے کنیکٹیوٹی منصوبے تے 60 فیصد کم مکمل ہو چکا اے جہڑا دسمبر 2026 تک مکمل کر لیا جائے گا۔
