بھارت دے دھمکی آمیز بیان مقبوضہ کشمیر دی حیثیت نہیں بدل سکدے: وزیر دفاع

اسلام آباد (دنیا رپورٹ) وزیر دفاع خواجہ آصف نے آکھیا اے کہ بھارت دی جانب توں دھونس تے دھمکی تے مبنی بیان بازی دے ذریعے بین الاقوامی سطح تے تسلیم شدہ قانونی حقائق نੂੰ مسخ کرن دی مسلسل کوششاں حقائق نੂੰ نہیں بدل سکدیاں، ایہ بیانات نہ تاں بھارت دے زیرِ قبضہ جموں و کشمیر دی حیثیت نੂੰ بدل سکدے نیں تے نہ ای علاقائی امن، استحکام یا معنی خیز مذاکرات وچ کوئی معاونت فراہم کردے نیں، جموں و کشمیر بین الاقوامی سطح تے تسلیم شدہ متنازعہ علاقہ اے، جدی حتمی فیصلہ اقوامِ متحدہ دی سلامتی کونسل دی متعلقہ قرارداداں تے کشمیری عوام دی مرضی دے مطابق ہونا اے۔ وزیر دفاع نے ٹویٹ وچ آکھیا کہ پاکستان بھارتی وزیرِ دفاع دے غیر ذمہ دارانہ بیانات نوں قطعی طور تے مسترد کردا اے۔ ایسے بیانات کشمیر تے بین الاقوامی سطح تے تسلیم شدہ قانونی حقائق نوں مسخ کرن دی اک ہور کوشش دی عکاسی کردے نیں، حقیقت ایہ اے کہ بھارت جنوبی ایشیا وچ دہشت گردی دا سب توں وڈا سہولت کار تے عدم استحکام دا ذمہ دار اے، جینے خطے نوں اپنے جارحانہ تے توسیع پسندانہ عزائم دا یرغمال بنا رکھا اے۔ ایں طرح بھارت دی غیر ذمہ دارانہ بیان بازی خطے وچ بین الریاستی تصادم دے خدشات نوں ودھا رہی اے، پاکستان امن تے مذاکرات لئی پرعزم اے، پر اپنی خودمختاری، علاقائی سالمیت تے قومی سلامتی دے تحفظ لئی اس دا عزم حتمی اے تے اس دا امتحان ہرگز نہیں لیا جانا چاہیدا۔

ترجمان دفتر خارجہ طاہر اندرابی نے وی بھارتی وزیرِ دفاع دے جموں و کشمیر توں متعلق حالیہ بیان نوں سختی نال مسترد کردیاں ہویاں اینوں انتہائی اشتعال انگیز، غیر ذمہ دارانہ تے حقائق دے منافی قرار دتا اے۔ اپنے بیان وچ انہوں نے آکھیا کہ پاکستان بھارتی وزیرِ دفاع دے بیانات دی شدید ترین الفاظ وچ مذمت کردا اے۔ ایہ بیان اقوامِ متحدہ تے عالمی سطح تے تسلیم شدہ جموں و کشمیر تنازع دے حقائق نوں مسخ کرن دی کوشش اے جدکہ کشمیر دا مسئلہ آج وی اقوامِ متحدہ دی سلامتی کونسل دے ایجنڈے تے موجود اے۔ ترجمان نے آکھیا کہ بھارتی وزیرِ دفاع دا بیان اس بات دا واضح ثبوت اے کہ بھارتی حکومت خطے دے امن و استحکام تے عالمی سلامتی نوں خطرے وچ ڈالنے والی پالیسی تے عمل پیرا اے۔ ایسے بیانات دا مقصد بھارت دے غیر قانونی زیرِ قبضہ جموں و کشمیر وچ جاری اقدامات، خطے وچ دہشت گردی دی سرپرستی تے بھارت دے اندرونی عدم استحکام توں عالمی توجہ ہٹانا اے۔ ترجمان دفتر خارجہ نے آکھیا کہ پاکستان ہر قسم دی بھارتی مہم جوئی دا بھرپور جواب دین لئی غیر متزلزل عزم رکھتا اے، جدی مظاہرہ پاکستانی قوم تے بہادر مسلح افواج نے آپریشن بنیان مرصوص دے دوران کیتا۔ ترجمان نے اقوامِ متحدہ تے عالمی برادری تے زور دتا کہ وہ بھارت دے مسلسل غیر ذمہ دارانہ تے اشتعال انگیز رویے دا نوٹس لے تے خطے وچ امن و استحکام لئی اپنی ذمہ داریاں ادا کرے۔