وفاقی وزیرِ داخلہ دی منصورہ آمد، حافظ نعیم الرحمن نال ملاقات

لاہور (اے پی پی) وفاقی وزیرِ داخلہ محسن نقوی نے پیر والے دن منصورہ آمد تے امیر جماعتِ اسلامی حافظ نعیم الرحمن نال ملاقات کیتی۔ ترجمان جماعتِ اسلامی دے مطابق ملاقات وِچ ملک دی مجموعی صورتحال تے علاقائی امور سمیت عوامی مسائل دے حل نال متعلق وی تبادلہء خیال تے مشاورت ہوئی۔

جماعتِ اسلامی پاکستان دے قائمقام سیکرٹری جنرل نذیر احمد جنجوعہ تے سیکرٹری اطلاعات شکیل احمد ترابی وی ایس موقعے تے موجود سن۔ ایس موقعے تے وزیرِ داخلہ محسن نقوی نے گفتگو کردے ہوئیاں کہیا کہ فیلڈ مارشل سید محمد عاصم منیر دی مسلسل کاوشاں نال کشیدگی وِچ دوبارہ کمی آئی۔ وزیرِ داخلہ محسن نقوی نے حافظ نعیم الرحمن نال جماعتِ اسلامی دے سیکرٹری جنرل امیر العظیم دی رحلت تے اظہارِ افسوس وی کیتا تے فاتحہ خوانی کیتی، وزیرِ داخلہ نے سوگوار خاندان تے جماعت دے قائدین و کارکنان لئی وی صبرِ جمیل دی دعا کیتی۔