ن لیگ آزاد کشمیر وِچ سادہ اکثریت حاصل کر لوے گی: رانا ثناء اللہ

کِسے ہور جماعت نوں نال ملانا پیا تے ملاواں گے تے آزاد کشمیر وِچ حکومت بناواں گے، فیئر اینڈ فری الیکشن ہوئے، جاں بحق کارکن کِس پارٹی دا اے اجے کنفرم نہیں اے: گفتگو

اسلام آباد (مانیٹرنگ ڈیسک) وزیرِ اعظم دے مشیر تے سینیٹر رانا ثناء اللہ نے کہیا اے کہ آزاد کشمیر وِچ فیئر اینڈ فری الیکشن ہوئے نیں۔ ٹی وی نال گفتگو کردے ہوئیاں اوہناں نے کہیا کہ اک امیدوار دے حلقے وِچ پٹواری انچارج نے 2 ریٹرننگ افسراں نوں بٹھایا، ساڈے لوکاں نوں پتا چلیا تے شور پے گیا، اساں الیکشن کمیشن نوں معاملہ رپورٹ کیتا، الیکشن کمیشن نے اوہناں تے ایف آئی آر دِتی تے اوہناں نوں گرفتار کیتا، ایس پٹواری توں تحقیقات ہونیاں چاہیدیاں نیں۔

اوہناں نے کہیا کہ جیہڑا کارکن جاں بحق ہویا ساڈے لوک اوہنو ں اپنا کارکن، پیپلز پارٹی والے اپنا کارکن کہہ رہے نیں، جاں بحق کارکن کِس پارٹی دا اے اجے کنفرم نہیں اے، اک کارکن زخمی وی ہویا اے۔ اوہناں نے کہیا کالعدم ایکشن کمیٹی والے ساڈے بھرا نیں، اساں اوہناں دی ہر بات مانی، آئینی مطالبات ساڈے وس وِچ نہیں، کالعدم ایکشن کمیٹی نوں آزاد کشمیر الیکشن وِچ حصہ لینا چاہیدا سی۔ اوہناں نے کہیا کہ ن لیگ آزاد کشمیر وِچ سادہ اکثریت حاصل کر لوے گی، اپنے نال کِسے ہور جماعت نوں ملانا پیا تے ملاواں گے، آزاد کشمیر دیاں سیٹاں وِچوں اکثریت لے کے حکومت بناواں گے۔