بیرسٹر ظفر اللہ خان، ایڈووکیٹ جنرل پنجاب تعینات، نوٹیفکیشن جاری
لاہور (آن لائن): گورنر پنجاب دی منظوری دے بعد بیرسٹر ظفر اللہ خان نوں ایڈووکیٹ جنرل پنجاب تعینات کر دتا گیا اے۔ ایس حوالے نال باقاعدہ نوٹیفکیشن وی جاری کر دتا گیا اے۔ نوٹیفکیشن دے مطابق بیرسٹر ظفر اللہ خان ہُن صوبہ پنجاب دے چیف لا آفیسر دے فرائض سر انجام دینگے، اوہ صوبائی حکومت نوں قانونی معاملیاں وچ مشاورت فراہم کرن دے نال نال اہم مقدمیاں وچ حکومت پنجاب دی نمائندگی وی کرن گے۔
