سپریم کورٹ، بشام خود کش حملہ دے ملزمان، نوں وکیل کرن دی ہدایت،
اسلام آباد (کورٹ رپورٹر)، سپریم کورٹ نے خیبرپختونخوا دے علاقہ بشام وچ چینی انجینئرز اُتے خودکش حملے دے مقدمہ وچ انچاہی (49) ملزمان دی ضمانت منسوخی لئی حکومتی اپیل دی سماعت ویہہ (20) اگست تک ملتوی کردے ہوئے ملزمان نوں آئندہ سماعت اُتے وکیل دے ہمراہ پیش ہون دی ہدایت کر دتی،
جسٹس نعیم اختر افغان نے دوران سماعت استفسار کیتا کہ کیا ملزمان ٹرائل کورٹ وچ پیش ہو رہے نیں، کیا وکیل دی خدمات حاصل کرنا چاہندے نیں، ایک شریک ملزم نے دسیا غریب لوگ نیں، ریڑھی لگا کے روزگار کماندے نیں، وکیل دی استطاعت نہیں رکھدے، جسٹس نعیم اختر افغان نے ریمارکس دتے کہ ملزمان اُتے دہشتگردی وچ سہولت کاری دا الزام اے، معاملے نوں سنجیدگی نال لو تے وکیل مقرر کرو، شریک ملزم نذیر دا سم کارڈ خودکش حملہ آور دے زیر استعمال سی، آئندہ سماعت اُتے تمام ملزمان اپنے وکیل دے نال پیش ہون بصورت دیگر ضمانت منسوخ کیتی جا سکدی اے، یاد رہے دو ہزار چوبیس (2024) وچ خودکش حملے وچ پنج چینی انجینئرز تے ایک پاکستانی شہری جاں بحق ہو گیا سی،
