پاک بحریہ دے 4 کموڈورز دی ریئر ایڈمرل دے عہدے تے ترقی

تصور اقبال، محمد عمیر، شاہد واصف تے راؤ احمد عمران انور نوں اگلے عہدے تے ترقی دِتی گئی: ترجمان پاک بحریہ؛ ترقی پاون والے چاروں افسران شاندار کیریئر دے دوران مختلف کمانڈ تے اسٹاف تقرریوں دا وسیع تجربہ رکھدے نیں

کراچی (مانیٹرنگ ڈیسک) پاک بحریہ دے کموڈور تصور اقبال، کموڈور محمد عمیر، کموڈور شاہد واصف تے کموڈور راؤ احمد عمران انور نوں ریئر ایڈمرل دے عہدے تے ترقی دے دِتی گئی۔ ترجمان پاک بحریہ دے مطابق ریئر ایڈمرل تصور اقبال نے 1995ء وِچ پاک بحریہ دی آپریشنز برانچ وِچ کمیشن حاصل کیتا۔ اوہ پاکستان نیوی وار کالج، لاہور تے نیشنل ڈیفنس یونیورسٹی، اسلام آباد توں فارغ التحصیل نیں۔ اوہناں نے فرانس توں انٹر سروسز اسٹاف کورس وی کیتا اے۔ اپنے کیریئر دے دوران اوہ مختلف کمانڈ تے اسٹاف تقرریوں دا وسیع تجربہ رکھدے نیں، جنہاں وِچ کمانڈنگ افسر پی این ایس عالمگیر، کمانڈر 25 ڈسٹرائر اسکواڈرن، کمانڈنٹ پاکستان نیول اکیڈمی تے ریاض (سعودی عرب) وِچ سینئر پاکستان نیوی افسر دیاں تقرریاں شامل نیں۔ ریئر ایڈمرل تصور اقبال ایس وقت کمانڈر ویسٹ دے فرائض سرانجام دے رہے نیں۔ اوہناں دی اعلٰی خدمات دے اعتراف وِچ اوہناں نوں ستارۂ امتیاز (ملٹری) نال نوازیا گیا۔

ریئر ایڈمرل محمد عمیر نے 1996ء وِچ پاک بحریہ دی آپریشنز برانچ وِچ کمیشن حاصل کیتا۔ اوہ پاکستان نیوی وار کالج، لاہور تے نیشنل ڈیفنس یونیورسٹی اسلام آباد توں فارغ التحصیل نیں۔ اوہناں نے چین توں کمیونیکیشن کمانڈ کورس تے امریکہ توں نیول اسٹاف کالج کورس وی کیتا اے۔ اپنے کیریئر دے دوران اوہ مختلف کمانڈ تے اسٹاف تقرریوں دا وسیع تجربہ رکھدے نیں، جنہاں وِچ کمانڈنگ افسر پی این ایس قوت، پی این ایس طارق، پی این ایس تبوک تے کمانڈر 14 ڈسٹرائر اسکواڈرن دیاں تقرریاں شامل نیں۔ اوہ نیول ہیڈ کوارٹرز اسلام آباد وِچ ڈپٹی ڈائریکٹر نیول آپریشنل پلانز (اسٹریٹجی) دے طور تے وی خدمات سرانجام دے چکے نیں۔ ریئر ایڈمرل محمد عمیر ایس وقت کمانڈنٹ پاکستان نیول اکیڈمی کراچی دے فرائض سرانجام دے رہے نیں۔ اوہناں دی خدمات دے اعتراف وِچ اوہناں نوں ستارۂ امتیاز (ملٹری) نال نوازیا گیا اے۔

ریئر ایڈمرل شاہد واصف نے 1996ء وِچ پاک بحریہ دی آپریشنز برانچ وِچ کمیشن حاصل کیتا۔ اوہ پاکستان نیوی وار کالج، لاہور تے نیشنل ڈیفنس یونیورسٹی، اسلام آباد توں فارغ التحصیل نیں۔ اوہناں نے برطانیہ توں ایڈوانس کمانڈ اینڈ اسٹاف کورس، کنگز کالج لندن توں ڈیفنس اسٹڈیز وِچ ماسٹرز، آسٹریلیا توں ڈیفنس اینڈ اسٹریٹجک اسٹڈیز کورس تے ڈیکن یونیورسٹی آسٹریلیا توں بین الاقوامی تعلقات وِچ ماسٹرز دی ڈگری حاصل کر رکھی اے۔ اپنے کیریئر دے دوران اوہ مختلف کمانڈ تے اسٹاف تقرریوں دا وسیع تجربہ رکھدے نیں جنہاں وِچ کمانڈنگ افسر پی این ایس سیف، ڈپٹی ڈائریکٹر نیول آپریشنل پلانز (اسٹریٹجی)، اسسٹنٹ نیول سیکرٹری (آپریشنز)، ڈائریکٹر ہیومن ریسورسز تے نیول ہیڈ کوارٹرز اسلام آباد وِچ چیف آف دی نیول اسٹاف دے پرنسپل سیکرٹری دیاں تقرریاں شامل نیں۔ ریئر ایڈمرل شاہد واصف ایس وقت کمانڈر 25 ڈسٹرائر اسکواڈرن دے فرائض سرانجام دے رہے نیں۔ اوہناں دی خدمات دے اعتراف وِچ اوہناں نوں ستارۂ امتیاز (ملٹری) نال نوازیا گیا اے۔

ریئر ایڈمرل راؤ احمد عمران انور نے 1996ء وِچ پاک بحریہ دی آپریشنز برانچ وِچ کمیشن حاصل کیتا۔ اوہ پاکستان نیوی وار کالج، لاہور تے نیشنل ڈیفنس یونیورسٹی، اسلام آباد توں فارغ التحصیل نیں۔ اوہناں نے برطانیہ توں ایڈوانس کمانڈ اینڈ اسٹاف کورس تے کنگز کالج لندن توں ڈیفنس اسٹڈیز وِچ ماسٹرز دی ڈگری وی حاصل کر رکھی اے۔ اپنے کیریئر دے دوران اوہ مختلف کمانڈ تے اسٹاف تقرریوں دا وسیع تجربہ رکھدے نیں جنہاں وِچ کمانڈنگ افسر پی این ایس ضرار، پی این ایس شمشیر، پی این ایس ذوالفقار تے کمانڈر 10 پٹرول کرافٹ اسکواڈرن دیاں تقرریاں شامل نیں۔ ایڈمرل راؤ احمد عمران انور نیول ہیڈ کوارٹرز اسلام آباد وِچ اسسٹنٹ چیف آف نیول اسٹاف (آپریشنز)، نئی دہلی (بھارت) وِچ نیول ایڈوائزر (پاکستان) تے پاکستان نیوی وار کالج، لاہور وِچ ڈپٹی کمانڈنٹ دے طور تے وی خدمات سرانجام دے چکے نیں۔ ریئر ایڈمرل راؤ احمد عمران انور ایس وقت نیول ہیڈ کوارٹرز اسلام آباد وِچ نیول سیکرٹری دے فرائض سرانجام دے رہے نیں۔ اوہناں دی خدمات دے اعتراف وِچ اوہناں نوں ستارۂ امتیاز (ملٹری) تے تمغۂ بسالت نال نوازیا گیا اے۔