9 جناں دی کوہ پیما ٹیم نے 6050 میٹر اُچی تھلو زوم چوٹی سر کر لئی
کمراٹ، چترال دے اوکھے راہواں، گلیشیئراں تے برفانی دراڑاں نوں لنگھنا پیا، تھلو زوم ہندوکش لڑی دی اوکھی ترین تے گھٹ سر کیتی جان والی چوٹیاں وِچ شامل ہے
پشاور (مانیٹرنگ ڈیسک) خیبر پختونخوا وِچ 9 جناں دی کوہ پیما ٹیم نے 6050 میٹر اُچی تھلو زوم چوٹی سر کر لئی۔
خیبر پختونخوا ٹورازم اتھارٹی دے مطابق تھلو زوم ہندوکش پہاڑی لڑی دی اوکھی ترین تے گھٹ سر کیتی جان والی چوٹیاں وِچ شامل ہے۔
ٹورازم اتھارٹی دا کہنا ہے کہ 8 دناں دی اوکھی مہم توں بعد کوہ پیماواں نے تھلو زوم چوٹی تے قومی جھنڈا لہرایا، تھلو زوم مہم 9 جولائی نوں شروع کیتی گئی، کوہ پیما ٹیم نے 17 جولائی نوں چوٹی سر کیتی، کوہ پیماواں نے کمراٹ تے چترال دے اوکھے راہواں، گلیشیئراں تے برفانی دراڑاں نوں پار کیتا۔
خیبر پختونخوا ٹورازم اتھارٹی دے مطابق تھلو زوم چوٹی نوں پہلی واری 1971 وِچ آسٹریلوی جبکہ 2019 وِچ اطالوی کوہ پیماواں نے سر کیتا سی۔
