خاتونِ اوّل آصفہ بھٹو زرداری دا لیاری دے سپینسر آئی ہسپتال دا دورہ

کراچی (سٹاف رپورٹر) خاتونِ اوّل تے رکنِ قومی اسمبلی بی بی آصفہ بھٹو زرداری نے میئر مرتضیٰ وہاب تے دوجیاں نال لیاری وِچ واقع سپینسر آئی ہسپتال دا دورہ کیتا جِس نوں حال ای وِچ میئر کراچی مرتضیٰ وہاب تے حکومتِ سندھ نے پبلک پرائیویٹ پارٹنرشپ دے تحت جدید طرز تے بحال کیتا ہے۔

ایس ہسپتال وِچ ہر روز تقریباً 4,000 مریضاں نوں او پی ڈی دی سہولت بالکل مفت دتی جا رہی ہے۔ اپریل 2026 توں ہُن تک 700 توں ودھ لیزر تے دوجے طبی پروسیجرز کامیابی نال کیتے جا چکے نے۔ خاتونِ اول نے مفت تے معیاری طبی سہولتاں دا جائزہ لیا تے ڈاکٹرایاں، پیرامیڈیکل اسٹاف تے ہسپتال دی پوری ٹیم دیاں عوامی تے پیشہ ورانہ خدمات نوں سراہیا۔