گوجرانوالا: فضل الرحمن خلاف پرچہ درج کرن دی درخواست خارج

گوجرانوالا (سٹاف رپورٹر) ڈیوٹی ایڈیشنل سیشن جج گوجرانوالا نے جے یو آئی (ف) دے سربراہ مولانا فضل الرحمن دی پاک فوج نال جُڑی متنازع تقریر تے پرچہ (مقدمہ) درج کرن دی پٹیشن، درخواست گزار دے وکیل دی بھیل (استدعا) تے خارج کرن دا حکم دے دِتا۔

تفصیلاں دے مطابق سیشن کورٹ وِچ مولانا فضل الرحمن دے خلاف مقدمے دے اندراج دا حکم دین بابت دائر درخواست دی ڈیوٹی ایڈیشنل سیشن جج بشیر احمد دی عدالت نے سماعت کیتی۔ پولیس نے عدالت وِچ جواب جمع کراؤندے ہوئے مؤقف اپنایا کہ درخواست گزار نے پٹیشن وِچ مولانا فضل الرحمن دی تقریر دا ویلا تے تاریخ نہیں لکھی، ویسے وی ایسے معاملے ساڈے دائرہ اختیار وِچ نہیں آؤندے۔ جِس تے درخواست گزار منظور قادر بھنڈر ایڈووکیٹ دے وکیل نے پٹیشن واپس لین دی استدعا کیتی، جِس نوں عدالت نے منظور کردے ہوئے اندراجِ مقدمہ دی درخواست خارج کر دِتی۔