ای سی سی: گندم منگواؤن (درآمد) دے طریقہ کار لئی سٹیئرنگ کمیٹی بنان دی منظوری
اسلام آباد (اے پی پی) وفاقی وزیرِ خزانہ و محصولات سینیٹر محمد اورنگزیب نے وزارتِ خزانہ وِچ کابینہ دی اقتصادی رابطہ کمیٹی (ای سی سی) دے اجلاس دی ورچوئل صدارت کیتی۔
اجلاس وِچ قومی غذائی تحفظ و تحقیق ڈویژن ولوں پیش کیتی گئی سمری تے غور کیتا گیا تے گندم دی منگواؤن (درآمد) نال متعلق لوڑاں (ضروریات) دے تعین تے آپریشنل طریقہ کار طے کرن لئی اک اعلیٰ سطح دی سٹیئرنگ کمیٹی بنان دی منظوری دِتی گئی۔ سٹیئرنگ کمیٹی دی سربراہی نائب وزیرِ اعظم کرن گے جبکہ ایس وِچ وفاقی وزیرِ قومی غذائی تحفظ و تحقیق، وزیرِ تجارت، وزیرِ اقتصادی امور، وزیرِ قانون، نائب وزیرِ اعظم/وزیرِ خارجہ دے دفتر لئی وزیرِ اعظم دے معاونِ خصوصی برائے رابطہ، وزیرِ اعظم دے کوآرڈی نیٹر برائے زراعت و غذائی تحفظ، سیکرٹری خزانہ، سیکرٹری تجارت، سیکرٹری قومی غذائی تحفظ و تحقیق، چیئرمین ایف بی آر، پنجاب، سندھ، خیبر پختونخوا تے بلوچستان دے چیف سیکرٹریز تے چیئرمین ٹریڈنگ کارپوریشن آف پاکستان (ٹی سی پی) شامل ہون گے۔
