مہنگے پٹرول خلاف خواجہ سرا وی سڑکاں تے آ گئے، پریس کلب تے مظاہرا

کراچی (مانیٹرنگ ڈیسک) مہنگے پٹرول خلاف خواجہ سرا وی سڑکاں تے نکل آئے، خواجہ سرا کمیونٹی ولّوں کراچی پریس کلب دے باہر ودھدی ہوئی مہنگائی خلاف احتجاجی مظاہرا کیتا گیا، جِس وِچ خواجہ سرا بندیا رانا تے شہزادی رائے سمیت دوجیاں نے شرکت کیتی۔

اوہناں نے احتجاج وِچ “پٹرول دیاں قیمتام گھٹ کرو، پٹرول بم بند کرو” دے نعرے لائے۔ خواجہ سراواں نے منگ (مطالبہ) کیتی کہ ودھدی ہوئی مہنگائی خلاف ترت (فوری) تے مؤثر قدم چکے جان، پٹرولیم مصنوعات دیاں قیمتام طے کرن وِچ عوام دوست پالیسی اپنائی جاوے، خواجہ سرا کمیونٹی لئی سماجی تحفظ تے معاشی مدداں دے پروگرام شروع کیتے جان، اوہناں دے روزگار، جان و مال، عزت تے بنیادی حقاں دی حفاظت نوں یقینی بنایا جاوے۔