تقرر و تبادلے، افتخار ساہو ایڈیشنل چیف سیکرٹری تعینات
عمر مسعود سیکرٹری زراعت تے زید بن مقصود سیکرٹری صنعت و تجارت مقرر، احمد رضا نئے وفاقی سیکرٹری داخلہ تعینات، محمد افضل دیاں خدمتاں پنجاب دے سپرد
لاہور (اپنے نامہ نگار توں) پنجاب حکومت نے کجھ افسراں دے تقرر و تبادلے دے احکامات جاری کر دتے نیں، نوٹیفکیشن دے مطابق سیکرٹری زراعت فلائٹ لیفٹیننٹ (ر) افتخار ساہو نوں ایڈیشنل چیف سیکرٹری پنجاب تعینات کر دتا گیا اے، اوہ اس عہدے اُتے خالی نشست دی ذمہ داریاں سنبھالن گے۔ انھاں دی جگہ سیکرٹری صنعت، تجارت و سرمایہ کاری عمر مسعود نوں سیکرٹری زراعت مقرر کر دتا گیا اے، سیکرٹری سروسز، ایس اینڈ جی اے ڈی زید بن مقصود نوں سیکرٹری صنعت، تجارت و سرمایہ کاری، سیکرٹری آرکائیوز اینڈ لائبریریز ونگ جہانزیب نوں سیکرٹری سروسز، ایس اینڈ جی اے ڈی تعینات کیتا گیا اے، جہانزیب نوں موجودہ ذمہ داریاں دے نال سیکرٹری آئی اینڈ سی دا اضافی چارج وی سونپ دتا گیا۔
مزید برآں سیکرٹری آئی اینڈ سی ایس اینڈ جی اے ڈی مسعود نعمان دی درخواست اُتے انہاں دا تبادلہ کریندے ہوئے سیکرٹری آرکائیوز اینڈ لائبریریز ونگ، ایس اینڈ جی اے ڈی تعینات کر دتا گیا۔ ایڈیشنل چیف سیکرٹری دے عہدے اُتے افتخار ساہو دی تعیناتی نوں پنجاب حکومت دی اعلیٰ سطح اُتے اہم انتظامی تبدیلی قرار دتا جا رہیا اے، اوہ تجربہ کار، دیانت دار تے انتظامی امور اُتے مضبوط گرفت رکھن والے افسر دے طور اُتے جانے جاندے نیں۔ اِدھر وفاقی حکومت نے سیکرٹری داخلہ سمیت متعدد افسران دے تقرر و تبادلیاں دے احکامات جاری کر دتے نیں، سیکرٹری داخلہ کیپٹن (ر) محمد خرم آغا دا تبادلہ کریندے ہوئے انھاں نوں فوری طور اُتے اسٹیبلشمنٹ ڈویژن رپورٹ کرن دی ہدایت کیتی گئی اے۔ احمد رضا سرور نوں وفاقی سیکرٹری وزارتِ داخلہ تعینات کر دتا گیا اے، اوہ اس توں پہلاں حکومت پنجاب وچ ایڈیشنل چیف سیکرٹری دے طور اُتے خدمتاں انجام دے رہے سن۔
ڈیپوٹیشن اُتے تعینات پاکستان ایڈمنسٹریٹو سروس دے گریڈ 19 دے جمیل احمد جمیل دا تبادلہ کریندے ہوئے انھاں نوں اسٹیبلشمنٹ ڈویژن رپورٹ کرن دی ہدایت کیتی گئی۔ آڈیٹر جنرل آف پاکستان دے ڈسپوزل اُتے موجود گریڈ 18 دے آڈٹ آفیسر محمد افضل دیاں خدمتاں حکومت پنجاب دے سپرد کر دتیاں گیاں جتھے انھاں نوں سپیشلائزڈ ہیلتھ کیئر اینڈ میڈیکل ایجوکیشن ڈیپارٹمنٹ دے تحت علامہ اقبال میموریل ٹیچنگ ہسپتال، سیالکوٹ وچ سینئر بجٹ اینڈ اکاؤنٹس آفیسر (بی ایس 18) تعینات کیتا گیا۔ اِتھے دوجے پاسے، حکومت بلوچستان دے محکمہ صحت نال تعلق رکھن والی گریڈ 17 دی ڈینٹل سرجن ڈاکٹر مدیحہ غوری دی فیڈرل گورنمنٹ پولی کلینک اسلام آباد وچ بطور میڈیکل آفیسر (بی ایس 17) ڈیپوٹیشن وچ مزید دو سال دی توسیع کر دتی گئی جیدا اطلاق 25 جولائی 2025 توں ہووے گا۔ وفاقی حکومت نے دفاع ڈویژن دے گریڈ 18 دے سیکشن آفیسر محمد عمر دراز نوں اسٹیبلشمنٹ ڈویژن وچ او ایس ڈی تعینات کریندے ہوئے یکم اگست 2026 توں اک سال دی سٹڈی لیو وی منظور کر لتی۔ اسٹیبلشمنٹ ڈویژن نے سارے احکامات دے باضابطہ نوٹیفکیشن جاری کر دتے۔
