مظفر آباد وچ 53 دِیہڑے بعد انٹرنیٹ سروس بحال

بلاول بھٹو مظفر آباد وچ موجود، پولنگ توں پہلاں بحالی دا مطالبہ کیتا سی
مظفر آباد (بیورو رپورٹ) آزاد کشمیر دے دارالحکومت مظفر آباد وچ 53 دِیہڑے بعد انٹرنیٹ سروس بحال کر دتی گئی، 6 جون توں معطل انٹرنیٹ سروس بدھ دی رات 10 وجے بحال ہو گئی، تاہم موبائل ڈیٹا سروس دی رفتار گھٹ اے، سروس دی بحالی مظفر آباد ڈویژن وچ آزاد کشمیر اسمبلی دے انتخابات دے دوجے مرحلے توں پہلاں عمل وچ آئی، پیپلز پارٹی دے چیئرمین بلاول بھٹو زرداری جو انھاں دِیہੜیاں مظفر آباد وچ موجود نیں، نے وی انٹرنیٹ سروس بحال کرن دا مطالبہ کیتا سی، انھاں نے زور دتا سی کہ مظفر آباد ڈویژن وچ 2 اگست نوں پولنگ توں پہلاں انٹرنیٹ بحال کیتا جائے، انٹرنیٹ دی بحالی اُتے شہریاں تے کاروباری حلقیاں نے اطمینان دا اظہار کیتا اے۔